गुजरातमधील पंचमहल जिल्ह्यातील पावगड टेकडी मंदिराजवळ शनिवारी (६ सप्टेंबर) एका मालवाहू रोपवेचा केबल तुटून सहा जणांचा मृत्यू झाला, अशी माहिती पोलिसांनी दिली. पोलिस अधीक्षक हरेश दुधाट यांनी मृतांच्या संख्येची पुष्टी केली आणि सांगितले की पोलिस आणि अग्निशमन दलाचे पथक घटनास्थळी बचाव आणि मदत कार्य करत आहेत, असे पीटीआयने वृत्त दिले आहे.
पंचमहल जिल्हाधिकाऱ्यांनी सहा जणांच्या मृत्यूची पुष्टी केली आहे, ज्यात दोन लिफ्टमन, दोन कामगार आणि इतर दोघे आहेत. जिल्हाधिकाऱ्यांच्या म्हणण्यानुसार, हा अपघात दुपारी साडेतीनच्या सुमारास घडला. घटनेची माहिती मिळताच स्थानिक पोलिस आणि अग्निशमन दलाचे पथक तातडीने घटनास्थळी दाखल झाले. प्रशासनाने अपघाताची चौकशी सुरू केली आहे.
सुमारे ८०० मीटर उंचीवर असलेले पावगड टेकडी मंदिर दरवर्षी लाखो भाविकांना आकर्षित करते. शिखरावर पोहोचण्यासाठी भाविक सहसा सुमारे २००० पायऱ्या चढतात किंवा केबल कारचा वापर करतात. तथापि, खराब हवामानामुळे जनतेसाठी वापरण्यात येणारा रोपवे सकाळपासूनच बंद करण्यात आला होता, असे अधिकाऱ्यांनी सांगितले.
जम्मू-काश्मीरमधील हजरतबल दर्ग्यावरील अशोक चिन्हाची तोडफोड!
