मध्य प्रदेशातील रेवा येथील बिछिया पोलीस स्टेशन परिसरातील लक्ष्मण बाग परिसरात शनिवारी रात्री उशिरा (२७ सप्टेंबर ) एक विचित्र आणि भयावह घटना घडली. रहिवाशांना रस्त्याच्या मधोमध एका गायीचे कापलेले शीर आढळले. सकाळ उजाडताच संतप्त रहिवाशांनी रस्ता रोखला, आरोपींना तात्काळ अटक करण्याची मागणी केली. स्थानिकांचे म्हणणे आहे की, २७ सप्टेंबरच्या रात्री दोन अज्ञात व्यक्ती परिसरात शोध घेत असल्याचे दिसून आले होते.
स्थानिकांनी सांगितले की, परिसरात अशाच प्रकारच्या घटना अनेक वेळा घडल्या आहेत, त्यामुळे लोक आधीच सतर्क होते आणि संशयास्पद हालचालींकडे लक्ष देत होते. काहींनी रात्रीच्या वेळी परिसरात फिरताना लोकांना पाहिल्याचा दावाही केला आणि नंतर, सीसीटीव्ही फुटेज तपासल्यानंतर, काही अज्ञात व्यक्ती संशयास्पद आढळल्या.
दरम्यान, पोलिसांनी कठोर कारवाईचे आश्वासन दिले आहे आणि आरोपींचा शोध घेत आहेत. रेवाचे मुख्य पोलिस अधीक्षक राजीव पाठक यांनी घटनास्थळाची पाहणी केली आणि जनतेला आश्वासन दिले की दोषींवर कडक आणि जलद कारवाई केली जाईल. आरोपींची ओळख पटविण्यासाठी पोलिस सीसीटीव्ही फुटेज तपासत आहेत.
ऑप इंडियाच्या बातमीनुसार, बिछिया पोलिस ठाण्याच्या एसएचओ मनिधा उपाध्याय यांनी सांगितले की पोलिस आरोपींचा सतत शोध घेत आहेत आणि त्यांच्याविरुद्ध कायदेशीर कारवाई केली जाईल. त्यांनी जनतेला सहकार्य आणि शांततेचे आवाहन केले. दरम्यान, या घटनेसंदर्भात पोलिसांनी मोहम्मद इस्माईल आणि एका अल्पवयीन मुलाला ताब्यात घेतले आहे.
हे ही वाचा :
५० हून अधिक हिंदूंचे धर्मांतर करणाऱ्याला लखनौमधून ठोकल्या बेड्या
‘आय लव्ह मुहम्मद’ वादात माजी पोलीस झुबेर खान अटकेत, समाजवादी पक्षाशी संबंध उघड”
गृहपाठ न केल्यामुळे शाळकरी मुलाला उलटे लटकून मारहाण!
सूर्यकुमार यादवकडून स्पर्धेचे मानधन पहलगाम पीडितांच्या कुटुंबियांना आणि सैन्याला
विश्व हिंदू परिषदेचे स्थानिक नेते बालकृष्ण द्विवेदी म्हणाले, “आमच्या धार्मिक भावना दुखावल्या गेल्या आहेत. जर प्रशासनाने आरोपींना लवकरच अटक केली नाही तर मोठ्या प्रमाणात निदर्शने केली जातील.” या घटनेनंतर, अकबरी बेगम या स्थानिक महिलेने तक्रार केली की त्यांच्या झोपड्यांमध्ये १००-२०० रुपयांना गोमांस पोहोचवले जाते. यानंतर पोलिसांनी गुन्हा दाखल केला आहे आणि सीसीटीव्ही फुटेज, स्थानिकांचे जबाब आणि फॉरेन्सिक अहवालांच्या आधारे तपास सुरू आहे.