कर्नाटकातील काँग्रेस आमदारांनी टिपू सुलतानचा पुतळा बसवल्यास बाबरी रचनेप्रमाणेच त्यांना सामोरे जावे लागेल, असा इशारा श्री राम सेना प्रमुख प्रमोद मुथालिक यांनी दिला आहे. काँग्रेस आमदार तनवीर सेठ यांच्या घोषणेनंतर प्रमोद मुथालिक यांचे हे वक्तव्य आले आहे.
कर्नाटक काँग्रेस म्हैसूर किंवा श्रीरंगपटना येथे टिपू सुलतानचा पुतळा बसवण्याचा विचार करत आहे. काँग्रेसचे ज्येष्ठ आमदार आणि माजी मंत्री तनवीर सेठ यांनी शनिवारी म्हैसूरमध्ये याबाबत माहिती दिली. १८ व्या शतकातील शासक टिपू सुलतान यांचा १०० फूट उंच पुतळा बसवण्याची आमची योजना आहे असल्याचे सेठ यांनी म्हटले आहे.
इस्लाममध्ये मूर्ती बसवण्यावर बंदी आहे. तरीही आम्ही टिपू सुलतानचा पुतळा बसवू. जेणेकरून भावी पिढ्यांना इतिहास कळू शकेल असे आमदार तनवीर सेठ म्हणाले होते. काँग्रेस नेत्याच्या या प्रस्तावाला विरोधही सुरू झाला आहे. टिपूच्या पुतळ्याच्या प्रस्तावाला भाजप आणि उजव्या विचारसरणीच्या अनेक गटांनी विरोध केला आहे. श्रीराम सेनेचे प्रमुख प्रमोद मुथालिक यांनी तर बाबरी मशिदीप्रमाणे पाडू असा इशारा दिला आहे.
हे ही वाचा:
सुषमा अंधारेंचे विभक्त पती वैजनाथ वाघमारे शिंदे गटात
गुजरातमध्ये काँग्रेसच्या १५ दिवसांत २५ रॅली
बाबा रामदेव यांना धक्का; पतंजलीच्या पाच औषधांवर बंदी
मुंबईसह ठाणे पोलीस दलात मोठा फेरबदल
प्रमोद मुथालिक यांनी याविरोधात आवाज उठवला आहे. तुम्ही टिपू सुलतानचा पुतळा कसा बसवू शकता? इस्लामच्या दृष्टिकोनातून हे विरोधाभासी आहे. त्यामुळे तनवीर सेठ यांच्याविरोधात फतवा काढा असे मुथालिक यांनी म्हटले आहे.केंद्रीय मंत्री प्रल्हाद जोशी यांनी हा तुष्टीकरणाच्या राजकारणाचा भाग असल्याचे सांगत टिपू सुलतान हे धर्मांध, हिंदूविरोधी आणि कन्नड राज्यकर्ते होते हे भाजपचे मत स्पष्ट आहे. सरकार योग्य वेळी या कारवाईला उत्तर देईल, असे ते म्हणाले.
