नवी दिल्ली येथे पार पडलेल्या “योग महाकुंभ” या भव्य कार्यक्रमात योग साधक, शिक्षक आणि समाजसेवकांचा भव्य संगम पाहायला मिळाला. अखिल भारतीय योग शिक्षक महासंघ (ABYOGASMS Foundation) यांच्या पुढाकाराने लाजपत भवन ऑडिटोरियम येथे पार पडलेल्या ऐतिहासिक सोहळ्यात डॉ. अभिषेक वर्मा आणि त्यांची कन्या निकोल वर्मा विशेष अतिथी म्हणून सहभागी झाले.
डॉ. अभिषेक वर्मा हे एक सनातनी, राजकारणी व उद्योजक म्हणून ओळखले जातात. वैदिक मंत्रोच्चाराने उद्घाटन झालेल्या कार्यक्रमाचे वातावरण पूर्णपणे आध्यात्मिक ऊर्जेने भारले गेले.
या प्रसंगी डॉ. अभिषेक वर्मा यांनी आपल्या भाषणात सांगितले की, “योग हे केवळ शरीर सुदृढ ठेवण्याचे साधन नाही, तर ते आपल्या सनातन संस्कृतीचे मूलभूत तत्त्व आहे. भगवद्गीतेत भगवान श्रीकृष्ण म्हणतात – ‘योगः कर्मसु कौशलम्’, म्हणजेच कर्मात कौशल्य हेच योग आहे. वेदांमध्ये योगाला आत्मशुद्धी आणि चित्तशांतीचे माध्यम मानले आहे. आज जग तणाव आणि भौतिकतेशी झगडत आहे, तेव्हा योगच एकमेव असा मार्ग आहे जो शरीर, मन आणि आत्मा यांच्यात संतुलन निर्माण करतो.”
हे ही वाचा:
केदारनाथ हेलिकॉप्टर दुर्घटनेनंतर पायलट्सचे परवाने निलंबित
भारतातील गरिबांच्या जीवनमानात आमूलाग्र बदल का घडला?
पाक लष्करप्रमुख मुनीरना आम्ही बोलावलेले नाही!
पंतप्रधान मोदी तीन देशांच्या दौऱ्यावर रवाना
स्वस्थ भारत, संस्कारयुक्त समाज आणि आत्मनिर्भर राष्ट्राची कल्पना योगाशिवाय अपूर्ण आहे, असेही त्यांनी ठामपणे सांगितले. त्यांनी शिवसेना (NDA), बाळासाहेब ठाकरे आणि पंतप्रधान नरेंद्र मोदी यांचा योग प्रसारासाठी घेतलेल्या पुढाकाराचे कौतुक केले. ते म्हणाले, “शिवसेनेच्या माध्यमातून आयुष मंत्रालय, फिट इंडिया चळवळ आणि डिजिटल योग अभियान यांच्या साहाय्याने योग प्रत्येक घरापर्यंत पोहोचवला जात आहे. चला, संकल्प करूया, योग अंगीकारूया, जीवन सुखद करूया आणि भारताला पुन्हा एकदा विश्वगुरु बनवूया. जय सनातन, जय हिंद.”
या कार्यक्रमाला विशेष अतिथी म्हणून उपस्थित होते, राजर्षि वेदमूर्ती आचार्य पवनदत्त मिश्रा महाराज, स्वामी अमित देव जी, डॉ. ईश्वर, योगगुरू मंगेश त्रिवेदी (ABYOGASMS संस्थापक)
योगगुरू मंगेश त्रिवेदी यांनी सांगितले की, “हा कार्यक्रम योगाला घराघरात पोहोचवण्याचा एक भव्य प्रयत्न आहे.” या कार्यक्रमात देशभरातील विविध योग संस्था, शाळा आणि शिक्षण संस्थांचे प्रतिनिधी सहभागी झाले होते. सर्वांनी एकत्र येऊन या कार्यक्रमाला खऱ्या अर्थाने **‘महाकुंभ’**चे स्वरूप दिले.
