विमान अपघातातील पिडीतांसाठी युएईतील भारतीय डॉक्टराची मदत!

खरं तर, संयुक्त अरब अमिराती (UAE) मध्ये राहणारे भारतीय डॉक्टर डॉ. शमशीर वायालिल यांनी विमान अपघातात बाधित झालेल्या वैद्यकीय विद्यार्थी आणि डॉक्टरांच्या कुटुंबियांना ६ कोटी रुपयांची आर्थिक मदत जाहीर केली आहे. यापूर्वीही २०१० मध्ये मंगळुरू विमान अपघातानंतर त्यांनी बाधित कुटुंबियांना आर्थिक मदत केली होती. याशिवाय, त्यांनी आरोग्यसेवा पुरवठादार बुर्जील होल्डिंग्जमध्ये रोजगाराच्या संधी उपलब्ध करून दिल्या होत्या.

संयुक्त अरब अमिरातीची राजधानी अबू धाबी येथून डॉ. शमशीर वायालिल यांनी मदत जाहीर केली आहे. बुर्जील होल्डिंग्जचे संस्थापक आणि अध्यक्ष आणि व्हीपीएस हेल्थचे व्यवस्थापकीय संचालक डॉ. शमशीर म्हणाले, अपघातानंतरची परिस्थिती पाहून त्यांना धक्का बसला. त्यांच्या मदत पॅकेजमध्ये ४ मृत विद्यार्थ्यांच्या कुटुंबियांना प्रत्येकी १ कोटी रुपये, ५ गंभीर जखमी विद्यार्थ्यांसाठी प्रत्येकी २० लाख रुपये आणि त्यांच्या प्रियजनांना गमावलेल्या डॉक्टरांच्या कुटुंबियांना प्रत्येकी २० लाख रुपये समाविष्ट आहेत. ही आर्थिक मदत बीजे मेडिकल कॉलेजमधील ज्युनियर डॉक्टर्स असोसिएशनच्या समन्वयाने दिली जाणार आहे.

हे ही वाचा  :