बिहार विधानसभा निवडणुकांचा कार्यक्रम आज निवडणूक आयोगाकडून जाहीर होणार असल्याच्या पार्श्वभूमीवर शिवसेना नेते संजय निरुपम यांनी मतदार आणि निवडणूक प्रक्रियेबाबत आपली भूमिका मांडली. संजय निरुपम म्हणाले, “बिहारमध्ये विधानसभा निवडणुका जाहीर होणार आहेत. मी बिहारमधील मतदारांना आवाहन करतो की त्यांनी मोठ्या संख्येने मतदानात सहभागी व्हावे आणि योग्य निर्णय घ्यावा.”
ते पुढे म्हणाले की, निवडणुका जाहीर होण्यापूर्वी एसआयआर (Systematic Investigation & Reporting) प्रक्रियेअंतर्गत बोगस मतदार, घुसखोर आणि डुप्लिकेट नावे हटवण्याचे काम सुरू करण्यात आले होते.
“ही प्रक्रिया पूर्ण झाल्यानंतर ४० लाख बोगस मतदारांची नावे मतदार यादीतून हटवण्यात आली. जे लोक मतमोहिमेतील गैरप्रकारांची आणि मतांची चोरी झाली असल्याची आरोप करत होते, तेच या SIR प्रक्रियेला विरोध करत होते.”
हे ही वाचा :
उज्ज्वला योजनेने दिला महिलांना दिलासा
“भारत-ऑस्ट्रेलिया टी२०: हाऊसफूल! तिकीटे संपल्या”
बंगालमधील पूरग्रस्तांना भेट देत असताना भाजपा खासदारावर हल्ला!
#WATCH | Mumbai | On Election Commission to announce the Bihar election schedule today, Shiv Sena leader Sanjay Nirupam says, "Assembly elections in Bihar are going to be announced today. I wish the voters of Bihar to participate in the voting and make the right decision. I would… pic.twitter.com/vtXmaO9mxH
— ANI (@ANI) October 6, 2025
महाराष्ट्रासाठीही SIR ची मागणी
संजय निरुपम यांनी स्पष्टपणे म्हटले की, “महाराष्ट्रातील मतदार यादीतही मोठ्या प्रमाणावर बोगस मतदार आणि घुसखोरांची नावे आहेत. त्यामुळे बिहारप्रमाणेच महाराष्ट्रातही SIR प्रक्रिया राबवावी, अशी मागणी शिवसेनेकडून करण्यात येत आहे.” दरम्यान, संजय निरुपम यांच्या या मागणीमुळे महाराष्ट्रातील निवडणूक व्यवस्थापन आणि मतदार याद्यांतील पारदर्शकतेबाबत पुन्हा एकदा चर्चा सुरू होण्याची शक्यता आहे.
