केंद्रीय रेल्वे, माहिती व प्रसारण, इलेक्ट्रॉनिक्स आणि माहिती तंत्रज्ञान मंत्री अश्विनी वैष्णव यांनी सोमवारी सांगितले की आर्टिफिशियल इंटेलिजन्स (एआय) जमिनीच्या स्तरावर मोठे बदल घडवत आहे आणि यामुळे मुलांच्या शिक्षणात, आरोग्य क्षेत्रात आणि शेतीत मोठी मदत होत आहे. माध्यमांशी बोलताना केंद्रीय मंत्री म्हणाले, “एआय जमिनीच्या स्तरावर मोठे बदल घडवत आहे. यामुळे शिक्षण, आरोग्य आणि शेतीत मदत मिळत आहे.”
त्यांनी उदाहरण देताना सांगितले, “राजस्थानच्या टोंक येथे एआयच्या मदतीने मुलांना गणित शिकण्यात मोठी मदत झाली आहे आणि त्यात १०० टक्क्यांपर्यंत सुधारणा झाली आहे. याशिवाय महाराष्ट्र आणि हिमाचल प्रदेशातही एआयचे अत्यंत सकारात्मक परिणाम दिसून आले आहेत.” केंद्रीय मंत्री पुढे म्हणाले की, एआय इम्पॅक्ट समिट फेब्रुवारी २०२६ मध्ये भारतात आयोजित होणार आहे. यापूर्वी ती लंडन, सोल आणि पॅरिसमध्ये झाली आहे. या समिटच्या तयारीसाठी नीती आयोगाने देशभरातील सर्व जिल्ह्यांमध्ये एआयवर चालणाऱ्या कामाचे पुनरावलोकन केले आहे आणि ते या बैठकीत सर्वांसमोर मांडले आहे.
हेही वाचा..
पंतप्रधानांच्या सूचनेतून वृक्षारोपण अभियानाची सुरुवात
वर्षानुवर्षांनंतरही कार्यकर्त्यांना आठवतात पंतप्रधान मोदी
विरोधकांना बिहारमध्ये विकास दिसत नाही
शेवटच्या दिवशी एक कोटीहून अधिक लोक करू शकतात टॅक्स फायलिंग
नीती आयोगाचे सीईओ बीव्हीआर सुब्रमण्यम यांनी माध्यमांशी बोलताना सांगितले की, एआयचा वापर उत्पादक क्षमता वाढवण्यासाठी केला जाऊ शकतो. यामुळे देशातील इनोव्हेशन करण्याची क्षमता मोठ्या प्रमाणात वाढू शकते आणि आपला देश 8 टक्के विकासदर साध्य करू शकतो. ते पुढे म्हणाले की, जर आपण एआयचा योग्य वापर केला तर २०३५ पर्यंत तो अर्थव्यवस्थेत २ ट्रिलियन डॉलर्सची भर घालेल. एआयचा वापर उद्योग, प्रशिक्षण आणि सरकारसाठी मोठा फायद्याचा ठरेल. यासाठी आम्ही आगामी काळात एक रोडमॅपही सादर करू. नोकऱ्या कमी होण्याच्या प्रश्नावर नीती आयोगाचे सीईओ म्हणाले की, एआयमुळे उत्पादक क्षमतेत वाढ होईल. हे अगदी तसेच आहे जसे संगणक आल्यावर झाले होते. एआयमुळे नवीन नोकऱ्या निर्माण होतील.
