ऑपरेशन सिंदूर नंतर देशभरात लोकप्रिय ठरलेल्या कर्नल सोफिया कुरेशी यांच्या कुटुंबीयांनी सोमवारी सकाळी गुजरातच्या वडोदरा येथे पंतप्रधान नरेंद्र मोदी यांच्या मेगा रोड शो मध्ये भाग घेतला. रोड शोमध्ये त्यांचा एक फोटो पंतप्रधानांनी देखील शेअर केला. एका मोठ्या जनसमूहाने भारतीय ध्वज हाती घेत पंतप्रधान मोदींचे स्वागत केले. ऑपरेशन सिंदूरनंतर मोदी गुजरातमध्ये पहिल्यांदाच आले होते. दहशतवादाविरोधात भारतीय लष्कराने पाकिस्तानवर जबरदस्त कारवाई केली होती.
पंतप्रधान मोदी वडोदरा विमानतळावर आले आणि तेथून ते किलोमीटर लांबीच्या रोड शोमध्ये सहभागी झाले. या रोड शोमध्ये ‘भारत माता की जय’ च्या घोषणांनी रस्ते दुमदुमले. लोकांनी मोदींवर फुलांचा वर्षाव केला. हजारो लोक पंतप्रधानांना पाहण्यासाठी रस्त्यावर उभे होते, त्यात कर्नल कुरेशींचे कुटुंबीय, ताज मोहम्मद कुरेशी, हलीमा कुरेशी, त्यांची जुळी बहिण शायना सुनसारा, आणि भाऊ संजय कुरेशी यांचा समावेश होता.
पत्रकारांशी बोलताना, शायना सुनसारा यांनी सांगितले की, “या रोडमध्ये सहभागी होणे हा एक गर्वाचा क्षण आहे. आमचे पंतप्रधान नेहमीच देशवासियांच्या पाठीशी आहेत. देशवासियांच्या सोबत असल्याचे सांगत त्यांनी लोकांना आश्वस्त केले.
त्यांनी सांगितले की, ऱोड शोदरम्यान आमच्या समोरून जाताना पंतप्रधानांनी नम्रपणे डोकं झुकवले. “हा एक खूप वेगळा क्षण होता. मी ते शब्दांत व्यक्त करू शकत नाही. असं वाटत होतं की, ते सगळ्यांना एक संदेश देत होते की, आम्ही तुमच्यासोबत आहोत आणि कोणालाही घाबरण्याची आवश्यकता नाही,” असे त्यांनी सांगितले.
शायना सुनसारा पुढे म्हणाल्या की, पंतप्रधान मोदींनी महिलांच्या सक्षमीकरणासाठी खूप काही केले आहे. त्यांनी सांगितले की, कर्नल कुरेशी त्यांची जुळी बहिण आहे. जेव्हा ती देशासाठी काही करते, तेव्हा ते फक्त मला नाही, तर इतरांनाही प्रेरणा देतं. ती आता फक्त माझी बहिण नाही, तर देशाची बहिण देखील आहे,” असे शायना सुनसारा यांनी सांगितले.
त्यांचे वडील ताज मोहम्मद कुरेशी यांनी सांगितले की, पंतप्रधान मोदींनी त्यांना ओळखले आणि त्यांचे स्वागत केले. त्यांची पत्नी हलीमा कुरेशी म्हणाल्या की, त्यांनी पंतप्रधान मोदींचे फुलांनी स्वागत केले. कर्नल कुरेशी त्यांच्या मुलीप्रमाणेच आपल्या देशाची मुलगी आहे, असे त्यांनी सांगितले.
हे ही वाचा:
पीसीओएसचा महिलांच्या मेंदूवरही होतो परिणाम
मुंबईत मुसळधार पाऊस, रस्ते पाण्याखाली, विमान आणि लोकल गाड्यांवर परिणाम!
‘हे’ अस्त्र न लढता विजय मिळवून देईल.
त्यांचे सुपुत्र आणि कर्नल कुरेशीचे भाऊ संजय कुरेशी यांनी सांगितले की, पंतप्रधान मोदींना पाहणे एक मोठा आनंद होता. आपल्या बहिणीबद्दल बोलताना त्यांनी सांगितले, “आम्ही आपले संरक्षण दल आणि भारत सरकारचे आभार मानतो, ज्यांनी माझ्या बहिणीला ही संधी दिली. एक महिला दुसऱ्या महिलांच्या दुःखाचा बदला घेत आहे, यापेक्षा चांगलं काय असू शकतं? आमच्या संरक्षण दलांनी शत्रूंना दाखवून दिलं की महिलाही पुरुषांपेक्षा कमी नाही.”
“महिलांच्या सक्षमीकरणाशिवाय देश प्रगती करू शकत नाही,” असे ते ठामपणे म्हणाले.
पंतप्रधान मोदी दोन दिवसीय गुजरात दौऱ्यावर आहेत, ते आज ८२,००० कोटी रुपयांच्या विकास प्रकल्पांचे उद्घाटन करणार आहेत. ते दाहोदहून दोन वंदे भारत एक्सप्रेस ट्रेनचे उद्घाटन देखील करणार आहेत. तसेच, दोन अधिक रोड शो संबोधित करणार आहेत.
