ऑस्ट्रेलियाचा तुफानी ऑलराउंडर ग्लेन मॅक्सवेलनं साऊथ आफ्रिकेविरुद्धच्या तिसऱ्या टी२० सामन्यात नवा टप्पा गाठला. त्यानं घेतलेला झेल हा त्याच्या कारकिर्दीतील ६२ वा आउटफिल्ड झेल ठरला आणि यामुळे त्यानं दिग्गज डेव्हिड वॉर्नरच्या विक्रमाशी झेप घेतली.
१२ व्या षटकात नॅथन एलिसच्या गोलंदाजीवर साऊथ आफ्रिकेचा तरुण तारा देवाल्ड ब्रेविसनं उंचावर फटका मारला. दमदार फॉर्ममध्ये असलेल्या ब्रेविसचा तो फटका मॅक्सवेलनं झेल घेताच त्याची अर्धशतकी खेळी संपुष्टात आली.
ब्रेविसनं फक्त २६ चेंडूत ५३ धावा करताना सहा षटकार आणि एक चौकार लगावला. त्याला ट्रिस्टन स्टब्सनं २५ धावांची साथ दिली, तर रासी व्हॅन डर डुसेन ३८ धावांवर नाबाद राहिला.
ऑस्ट्रेलियाकडून नॅथन एलिस चमकला आणि त्यानं तीन बळी घेतले. जोश हेजलवुड व अॅडम झॅम्पा यांनी प्रत्येकी दोन विकेट्स घेतल्या.
ऑस्ट्रेलियासाठी सर्वाधिक आउटफिल्ड झेल घेणारे खेळाडू
-
ग्लेन मॅक्सवेल – ६२ झेल (डेव्हिड वॉर्नरशी बरोबरी)
-
डेव्हिड वॉर्नर – ६२ झेल
-
आरोन फिंच – ५० झेल
-
स्टीव्ह स्मिथ – ४१ झेल
मॅक्सवेलनं या कामगिरीनं दाखवून दिलं की, तो फक्त आक्रमक फलंदाजच नाही तर मैदानावरील विश्वासार्ह आणि चपळ क्षेत्ररक्षकही आहे.