बंगळुरूच्या नगरतपेट भागातील फ्लोअर मॅट गोदामात शनिवारी लागलेल्या भीषण आगीत किमान दोन जणांचा मृत्यू झाला आहे. सध्या आग आटोक्यात आणण्यात आली असून पोलिस आणि अग्निशमन अधिकारी आग लागण्याची कारणे शोधत आहेत. मिळालेल्या माहितीनुसार, नगरतपेट येथे शनिवारी पहाटे फ्लोअर मॅट गोदामात आग लागली.
आग वेगाने चार मजली इमारतीत पसरली, ज्यामध्ये तिसऱ्या मजल्यावर एक घर होते. माहिती मिळताच पोलिस आणि अग्निशमन दलाच्या गाड्या घटनास्थळी दाखल झाल्या. आग विझवण्यासाठी अनेक फायर इंजिन्स तैनात करण्यात आले. मात्र, गल्ल्या अरुंद असल्याने फायर ब्रिगेडला अडचणींचा सामना करावा लागला. घटनास्थळी रुग्णवाहिकाही बोलावण्यात आल्या होत्या. आग कमी झाल्यावर बचाव पथके इमारतीत प्रवेशली. तेव्हा दोन मृतदेह सापडले. एक पहिल्या मजल्यावर आणि दुसरा दुसऱ्या मजल्यावर आढळला. मृतांची ओळख सुरेश (३६) आणि मदन (३४) अशी झाली आहे.
हेही वाचा..
भाजपाचे चलो धर्मस्थळ अभियान काय आहे?
रा. स्व. संघ राष्ट्रवादी आणि सांस्कृतिक संघटन
गंगेचे पाणी धोक्याच्या पातळीबाहेर !
पंतप्रधान नरेंद्र मोडी करणार दोन महत्वाच्या राष्ट्रीय महामार्गाचे उद्घाटन
मात्र आग कशामुळे लागली हे अद्याप स्पष्ट झालेले नाही. चिक्कापेटचे आमदार उदय गरुडाचार यांनी घटनास्थळाला भेट दिली आणि पाहणी केली. त्यांनी फेसबुकवर लिहिले, “प्राथमिक माहितीनुसार चिक्कापेट विधानसभा क्षेत्रातील धर्मरायस्वामी मंदिर वॉर्डातील नगरतपेट भागातील इमारतीत शॉर्ट सर्किटमुळे आग लागली. मी घटनास्थळी भेट दिली असून अग्निशमन विभाग, एसडीआरएफ टीम, पोलीस अधिकारी आणि बीबीएमपी अधिकारी ड्युटीवर आहेत. या घटनेत मृत्यू झालेल्या व्यक्तींना ईश्वर शांती देवो अशी प्रार्थना करतो.”
