भारत आणि पाकिस्तानमधील सध्याच्या तणावपूर्ण वातावरणात, भाजप नेत्या आणि माजी खासदार नवनीत राणा यांना पाकिस्तानकडून जीवे मारण्याची धमकी मिळाली आहे. ही धमकी पाकिस्तानच्या वेगवेगळ्या फोन नंबरवरून देण्यात आली आहे. नवनीत राणा यांनी या प्रकरणी मुंबईतील खार पोलिस ठाण्यात तक्रार दाखल केली आहे, त्यानंतर पोलिसांनी तपास सुरू केला आहे.
मिळालेल्या माहितीनुसार, भाजप नेत्या नवनीत राणा यांना पाठवलेल्या धमकीच्या संदेशात असे म्हटले आहे की, “हिंदू शेरनी हनुमान चालीसा पढ़ने वाली तू थोड़े दिन की मेहमान है, जल्दी उड़ने वाली है.” आंतरराष्ट्रीय क्रमांकांवरून या धमक्या मिळाल्या असल्याने, मुंबई पोलिस इतर एजन्सींच्या मदतीने या प्रकरणाचा तपास करत आहेत.
महाराष्ट्रातील अमरावतीच्या माजी खासदार नवनीत राणा यांना पाकिस्तानकडून धमक्या येण्याची ही पहिलीच वेळ नाही. गेल्या वर्षीही त्यांना त्यांच्या व्हॉट्सअपवर एका व्हिडिओ क्लिपद्वारे पाकिस्तान आणि अफगाणिस्तानमधून जीवे मारण्याच्या धमक्या मिळाल्या होत्या.
हे ही वाचा :
भारतीय सेनेने दाखवले अदम्य शौर्य
डीजीएमओच्या चर्चेपूर्वी पंतप्रधान मोदींची उच्चस्तरीय बैठक
देशातील नागरिकांच्या सुरक्षिततेसाठी भारताचे उपग्रह अहोरात्र कार्यरत
दरम्यान, दोन दिवसांपूर्वी नवनीत राणा यांनी ‘ऑपरेशन सिंदूर’ नंतर पाकिस्तानवर जोरदार टीका केली होती. त्यांनी म्हटले होते, “घर में घुसकर मारा है, कब्र तुम्हारी खोदी है. दिल्ली की गद्दी पर तुम्हारा बाप मोदी बैठा है. बकरी की अम्मा कब तक खैर मनाएगी, चुन-चुन कर मारेंगे.”
पंतप्रधान नरेंद्र मोदी यांचे उघडपणे कौतुक केले आणि म्हटले की, घरात घुसून मारणे म्हणजे काय असते हे पंतप्रधान मोदींनी जगाला दाखवून दिले. दरम्यान, नवनीत राणा यांना मिळालेल्या धमकीचा तपास पोलिसांकडून केला जात आहे. धमकी देणाऱ्या लोकांची ओळख पटविण्यासाठी संबंधित एजन्सींशी संपर्क साधत आहेत.
