घरक्राईमनामा४० हून अधिक खटले असलेला नक्षलवादी कमांडर पापा राव ठार

४० हून अधिक खटले असलेला नक्षलवादी कमांडर पापा राव ठार

छत्तीसगडमधील बिजापूरमध्ये सुरक्षा कर्मचाऱ्यांना मोठे यश

छत्तीसगडमधील बिजापूरमध्ये सुरक्षा कर्मचाऱ्यांना मोठे यश मिळाले आहे. वरिष्ठ नक्षल कमांडर पापा राव हा एका चकमकीत मारला गेला आहे. हिडवाच्या मृत्यूनंतर, नक्षल कमांडर पापा रावचा खात्मा करणे ही सुरक्षा दलांसाठी एक महत्त्वाची कामगिरी आहे. चकमकीत आणखी एक नक्षलवादीही ठार झाला आहे. यासोबतच घटनास्थळावरून दोन AK47 रायफल देखील जप्त करण्यात आल्या आहेत.

नक्षलवादी कमांडर पापा राव हा छत्तीसगडच्या बस्तर भागात, विशेषतः विजापूर आणि सुकमा भागात सक्रिय असल्याचे मानले जात होते. पोलिस अधीक्षक जितेंद्र यादव म्हणाले की, कारवाई अजूनही सुरू आहे. भैरमगड पश्चिम बस्तर क्षेत्र समितीशी संबंधित हल्ल्यांमध्ये पापा रावचा सहभाग आहे. त्याने सुरक्षा दलांविरुद्ध अनेक हिंसाचाराच्या घटनाही घडवून आणल्या आहेत. पापा राववर ४० हून अधिक गुन्हेगारी खटले आणि अटक वॉरंट आहेत. अधिकाऱ्यांच्या मते, तो पीएलजीएसाठी शस्त्रे, भरती आणि रसद यासाठी जबाबदार होता.

गेल्या काही महिन्यांत, सुरक्षा दलांनी विजापूरच्या कांडुलनार जंगलात मोठ्या कारवाया केल्या आहेत. या चकमकींमध्ये सुरक्षा दलांनी अनेक नक्षलवाद्यांना ठार मारले, ज्यात पापारावची पत्नी उर्मिला (जी क्षेत्र समितीची सचिव होती) हिचा समावेश होता. तथापि, पापा राव त्यावेळी पळून जाण्यात यशस्वी झाला होता.

जिल्हा राखीव रक्षक (DRG), विशेष कार्य दल (STF) आणि कोब्रा युनिट्सच्या संयुक्त पथकामी ही कारवाई केली. माओवादी आणि जिल्हा राखीव रक्षक (DRG), विशेष कार्य दल (STF) आणि कोब्रा युनिट्सच्या संयुक्त पथकामध्ये अधूनमधून गोळीबार सुरू असताना, कर्मचाऱ्यांनी घटनास्थळावरून AK-47 रायफल्स जप्त केल्या. गुप्तचर यंत्रणांनी दिलेल्या माहितीनुसार, वरिष्ठ माओवादी कमांडर पापा रावसह या भागात बंडखोरांचा एक मोठा गट असल्याची माहिती मिळाली होती. आता मृतदेह बाहेर काढण्यासाठी आणि उर्वरित बंडखोरांचा शोध घेण्यासाठी सुरक्षा दलांनी जंगलाला वेढा घातला आहे. विजापूर पोलिसांनी एक निवेदन जारी करून ऑपरेशन सुरू असल्याची पुष्टी केली.

हे ही वाचा:

“भारताप्रमाणे पाकिस्तान अमेरिकेत गुंतवणूक आणत नाही”

महानगरपालिका निवडणुकीतील अपयशावर राज ठाकरे काय म्हणाले?

मुंबईत महिला नेतृत्वाच्या विजयाचा झंझावात!

ट्रम्प यांना नोबेल पुरस्कार प्रदान होताच समितीने काय म्हटले?

केंद्रीय गृहमंत्री अमित शहा यांनी देश नक्षलमुक्त करण्यासाठी ३१ मार्च २०२६ ही अंतिम मुदत दिली आहे. २०२५ मध्ये मोठ्या प्रमाणात कारवाई केल्यानंतर, चार दशकांहून अधिक काळ सक्रिय असलेल्या या प्रदेशातील नक्षलवाद्यांचा प्रभाव लक्षणीयरीत्या कमी झाला आहे.

प्रतिक्रिया द्या

कृपया आपली टिप्पणी द्या!
कृपया येथे आपले नाव प्रविष्ट करा

The reCAPTCHA verification period has expired. Please reload the page.

Exit mobile version