वेधशाळेने काही दिवसांपुर्वीच पावसाचा इशारा दिलेला होता. आज मुंबईच्या उपनगरांपैकी काही भागांत पावसाने हजेरी लावली आहे.
फेब्रुवारी महिन्यात अवकाळी पाऊस क्वचित मुंबईत पहायला मिळतो. आजही पावसाचा हलका शिडकाव झालेला पहायला मिळाला. पूर्व आणि पश्चिम उपनगरांत पाऊस पडला. अवकाळी पावसाने दुचाकीस्वारांची धावपळ उडाली. काही ठिकाणी निसरड्या रस्त्यावरून दुचाकीस्वार घसरून पडले. ट्रॅफिक जाम झालेलेसुद्धा पहायला मिळाले. पाऊस पडल्याने वातावरणातला गारवादेखील वाढला
आज दुपारी एक वाजता, वेधशाळेकडून पुन्हा एकदा पावसाचा इशारा दिला होता. मुंबई जिल्ह्यात पाऊस पडण्याची शक्यता वर्तवली होती. याबरोबर महाराष्ट्राच्या बऱ्याच भागात गडगडाटासह पाऊस पडण्यापासून ते हलक्या- मध्यम सरींची शक्यता वर्तवण्यात आली होती.
