पाकिस्तानने पुन्हा एकदा अफगाणिस्तानमध्ये बॉम्ब हल्ला केला आहे. दोन्ही देशांमध्ये तणावाची परिस्थिती असताना हा हल्ला पाकिस्तानने केल्याने खळबळ उडाली आहे. पाकिस्तानी सैन्याने अफगाणिस्तानच्या खोस्त प्रांतात एका स्थानिक रहिवाशाच्या घरावर बॉम्बहल्ला केल्याने नऊ मुले आणि एक महिला ठार झाल्याची माहिती तालिबानच्या प्रवक्त्याने मंगळवारी, २५ नोव्हेंबर रोजी दिली.
अफगाणिस्तानातील खोस्त प्रांतात पाकिस्तानने एका घरावर बॉम्बहल्ला केला, ज्यामध्ये नऊ मुले आणि एका महिलेचा मृत्यू झाला. पाकिस्तानी सैन्याने कुनार आणि पक्तिका प्रांतांमध्येही हवाई हल्ले केले, ज्यात चार नागरिक जखमी झाले, अशी माहिती तालिबानने दिली आहे. या हल्ल्यामुळे दोन्ही देशांमधील सीमेवर पुन्हा तणाव निर्माण झाला आहे आणि हिंसाचाराची भीती निर्माण झाली आहे.
पाकिस्तानने पुन्हा एकदा अफगाणिस्तानवर हल्ला केला आहे. अफगाणिस्तानवर राज्य करणाऱ्या तालिबानचे प्रवक्ते जबीउल्लाह मुजाहिद यांनी मंगळवारी, २५ नोव्हेंबर रोजी सांगितले की, पाकिस्तानी सैन्याने अफगाणिस्तानच्या खोस्त प्रांतात एका स्थानिक रहिवाशाच्या घरावर बॉम्बहल्ला केल्यानंतर किमान नऊ मुले आणि एक महिला ठार झाली. मुजाहिद यांनी असेही म्हटले आहे की, पाकिस्तानने कुनार आणि पक्तिका प्रांतातही हल्ले केले आहेत, ज्यामध्ये चार नागरिक जखमी झाले आहेत.
तालिबान अधिकाऱ्यांच्या म्हणण्यानुसार, मध्यरात्रीनंतर लगेचच हा हल्ला झाला आणि त्यात एका स्थानिक रहिवाशाच्या घराला लक्ष्य करण्यात आले, ज्यामुळे सीमेवर दोन्ही देशांमधील शत्रुत्व आणि युद्धाबद्दल चिंता पुन्हा निर्माण झाली. तालिबानचे प्रवक्ते मुजाहिद म्हणाले की, खोस्तच्या गुरबुज जिल्ह्यातील मुगलगाई भागात मध्यरात्री १२:०० वाजता हा हल्ला झाला. पाकिस्तानी आक्रमक सैन्याने स्थानिक नागरिक काझी मीरचा मुलगा वलियत खान याच्या घरावर बॉम्बहल्ला केला, असे त्यांनी सोशल मीडिया प्लॅटफॉर्म एक्सवरील पोस्टमध्ये म्हटले आहे. यात, नऊ मुले (पाच मुले आणि चार मुली) आणि एक महिला शहीद झाली आणि त्यांचे घर उध्वस्त झाले. त्याच रात्री वेगवेगळे हवाई हल्ले करण्यात आल्याची पुष्टी मुजाहिदने केली, “कुनार आणि पक्तिका येथेही हवाई हल्ले झाले, जिथे चार नागरिक जखमी झाले.”
हे ही वाचा:
आधीच दिल्लीत प्रदूषण; त्यात आली इथियोपियाची राख
पंकजा मुंडेंचा स्वीय सहाय्यक अनंत गर्जेला अटक
“सिंध भारतात परत येऊ शकतो, सीमा बदलू शकतात”
दिल्लीत प्रदूषणाविरुद्धच्या आंदोलनात माओवादी कमांडर माडवी हिडमाचे पोस्टर्स
अफगाणिस्तानातील पाकिस्तानी सैन्याच्या या नवीन हल्ल्यामुळे अस्थिर सीमावर्ती भागात पुन्हा तणाव वाढण्याची शक्यता आहे. ऑक्टोबरमध्ये झालेल्या तीव्र संघर्षांनंतर दोन्ही शेजाऱ्यांमधील सीमापार हिंसाचार थोडा कमी झाला होता, परंतु या नवीन हल्ल्यामुळे तो पुन्हा सुरू होण्याची शक्यता आहे.
