गाझा शांतता बैठकीसाठी इजिप्तचे अध्यक्ष सिसी यांचे मोदींना आमंत्रण!

पंतप्रधान नरेंद्र मोदी यांना इजिप्तमधील शर्म अल शेख येथे होणाऱ्या गाझा शांतता शिखर परिषदेत सहभागी होण्यासाठी इजिप्तचे अध्यक्ष अब्देल फताह अल-सिसी यांनी अधिकृत निमंत्रण दिले आहे. तथापि, पंतप्रधान मोदी परिषदेला प्रत्यक्ष उपस्थित राहणार नाहीत, असे परराष्ट्र मंत्रालयाने स्पष्ट केले आहे. भारतातर्फे या उच्चस्तरीय परिषदेत परराष्ट्र राज्यमंत्री कीर्तीवर्धन सिंह हे प्रतिनिधित्व करतील, अशी माहिती अधिकृतपणे देण्यात आली आहे.