घरदेश दुनिया‘थँक यू इंडिया’ इमॅन्युएल मॅक्रोन यांचा भावनिक निरोप

‘थँक यू इंडिया’ इमॅन्युएल मॅक्रोन यांचा भावनिक निरोप

एआय, डिजिटल सहकार्य आणि भारत-फ्रान्स मैत्रीला नवी दिशा

फ्रान्सचे राष्ट्रपती इमॅन्युएल मॅक्रोन यांनी भारताचा दौरा पूर्ण करताना “थँक यू इंडिया” असा संदेश देत भारताचे आभार मानले. तीन दिवसांच्या या दौऱ्यात त्यांनी भारताच्या डिजिटल प्रगतीचे आणि कृत्रिम बुद्धिमत्ता (एआय) क्षेत्रातील वाढत्या नेतृत्वाचे कौतुक केले.

दिल्लीमध्ये आयोजित करण्यात आलेल्या इंडिया एआय इम्पॅक्ट समिट २०२६ मध्ये मॅक्रों यांनी प्रमुख पाहुणे म्हणून सहभाग घेतला. आपल्या भाषणाची सुरुवात त्यांनी “नमस्ते” या शब्दाने केली. भारताने डिजिटल तंत्रज्ञानाच्या माध्यमातून मोठी झेप घेतली आहे, असे त्यांनी सांगितले. विशेषतः युपीआय सारख्या डिजिटल पेमेंट प्रणालीमुळे अगदी लहान व्यावसायिक आणि रस्त्यावरील विक्रेतेही सहजपणे व्यवहार करू शकतात, याचे त्यांनी विशेष कौतुक केले.
हे ही वाचा:
ट्रम्पपुढे पाक पंतप्रधान शाहबाज शरीफ यांची लाळघोटेपणाची कमाल

ट्रम्प यांचा ओबामांवर आरोप

भारत- पाकिस्तान सीमेवर लटकवल्यात काचेच्या बाटल्या! काय आहे कारण?

भारतातील ३ टक्के ट्रक ५० टक्क्यांहून अधिक प्रदूषण करतात! काय आहेत कारणं?

मॅक्रों यांनी नमूद केले की, भारताने अब्जावधी नागरिकांसाठी डिजिटल ओळख व्यवस्था उभी केली असून दर महिन्याला मोठ्या प्रमाणावर डिजिटल व्यवहार होत आहेत. भारताचा डिजिटल मॉडेल इतर देशांसाठी प्रेरणादायी ठरू शकतो, असे त्यांनी स्पष्ट केले.

एआय संदर्भात बोलताना मॅक्रों यांनी तंत्रज्ञानाचा वापर सर्वसामान्यांच्या हितासाठी व्हायला हवा, यावर भर दिला. एआय केवळ मोठ्या कंपन्यांसाठी नसून समाजातील प्रत्येक घटकाला त्याचा फायदा मिळाला पाहिजे, असे त्यांनी सांगितले. सुरक्षित, जबाबदार आणि पारदर्शक एआय विकासासाठी भारत आणि फ्रान्स यांनी एकत्र काम करण्याची गरज असल्याचे त्यांनी नमूद केले.

या दौऱ्यात मॅक्रों यांनी पंतप्रधान नरेंद्र मोदी यांची भेट घेतली. दोन्ही नेत्यांमध्ये संरक्षण, तंत्रज्ञान, ऊर्जा, अंतराळ आणि जागतिक स्थिरता या विषयांवर सविस्तर चर्चा झाली. भारत-फ्रान्स संबंध अधिक मजबूत करण्यासाठी दोन्ही देश कटिबद्ध असल्याचे स्पष्ट करण्यात आले.

दौऱ्याच्या शेवटी इमॅन्युएल मॅक्रों यांनी पुन्हा एकदा भारताचे आभार मानले आणि भारत-फ्रान्स मैत्री पूर्वीपेक्षा अधिक बळकट झाल्याचा विश्वास व्यक्त केला. त्यांच्या या भेटीमुळे डिजिटल सहकार्य, एआय क्षेत्रातील भागीदारी आणि धोरणात्मक संबंधांना नवी दिशा मिळाल्याचे मानले जात आहे.

प्रतिक्रिया द्या

कृपया आपली टिप्पणी द्या!
कृपया येथे आपले नाव प्रविष्ट करा

The reCAPTCHA verification period has expired. Please reload the page.

Exit mobile version