पंतप्रधान नरेंद्र मोदी यांनी रविवारी आपल्या मन की बात कार्यक्रमातून देशातील जनतेशी संवाद साधला. ‘मन की बात’चा हा ९४ वा भाग होता. यावेळी पंतप्रधानांनी छट सणानिमित्त देशवासियांना शुभेच्छा दिल्या. तसेच हा उत्सव एक भारत श्रेष्ठ भारताचे उदाहरण असल्याचे सांगितले.’सौर ऊर्जा हे सूर्यदेवाचे वरदान आहे असेही ते म्हणाले
आज सौरऊर्जा हा एक असा विषय आहे, ज्यामध्ये संपूर्ण जग आपले भविष्य पाहत आहे, भारतासाठी, सूर्यदेव हा युगानुयुगे केवळ उपासनाच म्हणून नाही तर जीवनाच्या मार्गातही केंद्रस्थानी राहिला आहे. .’सौर ऊर्जा हे सूर्यदेवाचे वरदान आहे असे सांगून पंतप्रधान मोदी म्हणाले की आज देशाच्या अनेक भागात सूर्य उपासनेचा महान सण छट साजरा केला जात आहे. छट उत्सवाचा भाग होण्यासाठी लाखो भाविक त्यांच्या गावी, त्यांच्या घरांमध्ये, त्यांच्या कुटुंबापर्यंत पोहोचले आहेत. मी प्रार्थना करतो की छट मायेने सर्वांना समृद्धी कल्याणाचा आशीर्वाद देईल .
छटपूजा सण हे एक श्रेष्ठ भारताचेही उदाहरण असल्याचे पंतप्रधान नरेंद्र मोदी म्हणाले. आज बिहार आणि पूर्वांचलचे लोक देशाच्या कोणत्याही कानाकोपऱ्यात छटपूजा मोठ्या थाटामाटात साजरी केली जात आहे. , पूर्वी गुजरातमध्ये छट पूजा नव्हती, पण कालांतराने जवळपास संपूर्ण गुजरातमध्ये छट पूजेचे रंग दिसू लागले आहेत. हे पाहून मलाही खूप आनंद झाला. आजकाल परदेशातहि छटपूजा मोठ्या प्रमाणावर साजरी केली जात असल्याचे त्यांनी सांगितले.
हे ही वाचा:
सेलिब्रेटीला पाहण बेतलं जीवावर, दक्षिण कोरियात चेंगराचेंगरी
गुजरात सरकार ‘ समान नागरी कायदा’ लागू करण्याच्या तयारीत
…. म्हणून मिलिंद नार्वेकरांची सुरक्षा वाढवली
यूपीएच्या भोंगळ संरक्षण धोरणाचे दौलत बेग ओल्डी एअर बेसवर दफन
आता वीज वापरण्यासाठी पैसे मिळतात
पंतप्रधान मोदी म्हणाले, ‘मित्रांनो, तुम्ही कधी कल्पना करू शकता का की तुम्ही महिनाभर वीज वापरू शकता आणि तुमचे वीज बिल भरण्याऐवजी तुम्हाला विजेचे पैसे मिळतील? काही दिवसांपूर्वी तुम्ही देशातील पहिले सूर्य गाव – गुजरातचे मोढेरा याबद्दल बरेच काही ऐकले असेल. मोढेरा सूर्या गावातील बहुतांश घरांमध्ये सौरऊर्जेपासून वीजनिर्मिती सुरू झाली आहे. आता अनेक घरांमध्ये महिन्याच्या शेवटी वीज बिल येत नाही, उलट विजेच्या कमाईचे धनादेश येत आहेत.
देशभरात रन फॉर युनिटीचे आयोजन
पंतप्रधान मोदी म्हणाले ३१ ऑक्टोबर हा राष्ट्रीय एकता दिवस आहे, जो सरदार वल्लभभाई पटेल यांच्या जयंतीनिमित्त आहे. या दिवशी देशाच्या कानाकोपऱ्यात रन फॉर युनिटीचे आयोजन केले जाते. ही शर्यत देशातील एकतेचा धागा मजबूत करते, तरुणांना प्रेरणा देते.
