बिहार विधानसभा निवडणुकीच्या पार्श्वभूमीवर जनशक्ति जनता दलाचे राष्ट्रीय अध्यक्ष तेजप्रताप यादव यांनी महागठबंधनाच्या मुख्यमंत्रीपदाचे उमेदवार असलेल्या तेजस्वी यादव यांच्यावर तीखा निशाणा साधला आहे. त्यांनी म्हटले, “तेजस्वी अजून लहान आहेत, निवडणुकीनंतर त्यांना झुनझुना (खेळण्याचे घुंगरू) देऊ.” तेजप्रताप यादव हे महुआ विधानसभा क्षेत्रातून उमेदवार आहेत. दुसरीकडे त्यांचे धाकटे बंधू आणि राजद नेते तेजस्वी यादव हेही महुआ येथे प्रचार सभांमध्ये भाग घेत आहेत. जेव्हा पत्रकारांनी याबाबत तेजप्रताप यांची प्रतिक्रिया विचारली, तेव्हा त्यांनी उपरोधिक भाषेत सांगितले की, “ते अजून मुलं आहेत, निवडणुकीनंतर त्यांच्या हातात झुनझुना देऊ.”
तेजस्वी यांना इशारा देत त्यांनी म्हटले, “जर ते आमच्या भागात आले, तर आम्हीही त्यांच्या भागात जाऊ. आम्ही राघोपूरला गेलो होतो, आणि पुन्हा जाऊ.” केंद्रीय गृहमंत्री अमित शाह यांनी लालू प्रसाद यादव यांच्यावर केलेल्या वक्तव्यावर प्रतिक्रिया देताना तेजप्रताप म्हणाले, “ही निवडणूक आहे, त्यामुळे कोण काय बोलतो त्याचे काही म्हणता येत नाही.” या वेळी बिहार विधानसभा निवडणूक केवळ महागठबंधन आणि एनडीए उमेदवारांपुरती मर्यादित नसून, या मैदानात दोन सख्खे भाऊही आमनेसामने आहेत. तेजस्वी यादव हे राजदच्या बॅनरखाली महागठबंधनाचे मुख्यमंत्रीपदाचे उमेदवार म्हणून निवडणुकीत उतरले आहेत, तर त्यांचे मोठे बंधू तेजप्रताप यादव हे जनशक्ति जनता दलाचे राष्ट्रीय अध्यक्ष म्हणून महुआ मतदारसंघातून निवडणूक लढवत आहेत.
हेही वाचा..
अभिनेत्रीला अश्लील मेसेज पाठवणारा अटकेत
भारताची मोठी तांत्रिक झेप ठरली ऐतिहासिक
मलेशियाच्या समुद्र किनाऱ्यावर राहुल गांधी तृप्त झाले नव्हते म्हणून …
बांगलादेश बनला नवा ‘नार्को हब’
महुआ मतदारसंघात तेजस्वी यादव सतत सभा घेऊन राजदच्या बाजूने मतदान करण्याचे आवाहन करत आहेत, तर तेजप्रताप हे तेजस्वींच्या राघोपूर मतदारसंघात सभा घेऊन त्यांच्यावर प्रतिहल्ला करत आहेत. तेजप्रताप यादव हे सतत तेजस्वींच्या निवडणूक घोषणांवर टीका करत असून त्यांचे मत आहे की, “निवडणुकीच्या काळात कोणीही काहीही वचनं देतो; पण निवडणुकीनंतर कोण आपली वचने पाळतो, तेच खरे पाहायचे.”
