केरळच्या वायनाड जिल्ह्यातील मेप्पाडी या डोंगराळ भागात झालेल्या भूस्खलनाच्या दुर्घटनेतील मृतांचा आकडा आणखी वाढला आहे. घटनेच्या दोन दिवसांनंतरही बचावकार्य आणि शोधकार्य सुरू असून या घटनेत आतापर्यंत २५६ जणांचा मृत्यू झाला आहे. तर २०० पेक्षा जास्त जण जखमी झाले आहेत. जखमींवर रुग्णलायात उपचार सुरू आहेत. तर, १९० नागरिक अद्यापही बेपत्ता आहेत, अशी माहिती आहे.
केरळच्या वायनाड जिल्ह्यात मुसळधार पावसाने हाहाःकार उडवला असून मंगळवार, ३० जुलै रोजी पहाटे वायनाडच्या मेप्पाडी या डोंगराळ भागात भूस्खलन झाल्याची घटना घडली होती. भूस्खलनाची घटना भयंकर असून घटनास्थळी मुसळधार पावसामुळे मोठ्या प्रमाणात चिखल झाला असून सुरू असलेल्या पावसामुळे बचावकार्यात अडथळे येत आहेत. वायनाडमध्ये नागरी संरक्षण, पोलीस, अग्निशमन विभाग, एसडीआरएफ, एनडीआरएफचे सुमारे २५० कर्मचारी मदत आणि बचाव कार्यात गुंतले आहेत. तर, लष्कराच्या १२२ इन्फंट्रीचे सुमारे २२५ जवान बचाव कार्यात गुंतले आहेत. याशिवाय येथील नागरिकांना जीवनावश्यक वस्तू पुरवण्यासाठी लष्कराकडून कोझिकोड येथे नियंत्रण कक्षदेखील स्थापन करण्यात आला आहे.
या दुर्घटनेत आतापर्यंत २५६ जणांचा मृत्यू झाला आहे. तर २०० पेक्षा जास्त जण जखमी झाले आहेत. जखमींवर रुग्णलायात उपचार सुरू आहेत. तर, १९० नागरिक अद्यापही बेपत्ता आहेत. घटनास्थळी मृतांच्या नातेवाईकांनी मोठी गर्दी केली असून घटनास्थळाचे चित्र दुखःद आहे.
हे ही वाचा:
‘वहाबी अतिरेकी दहशतवादी संघटनां’वर राष्ट्रहितासाठी बंदी घाला
वायनाड दुर्घटनेवर अमित शहा म्हणाले, ‘इशारा देऊन देखील केरळ सरकारचे दुर्लक्ष’
पॅरिस ऑलिम्पिकमध्ये महाराष्ट्राच्या सुपुत्राचा ५० मीटर रायफल स्पर्धेच्या अंतिम फेरीत प्रवेश
या घटनेच्या पार्श्वभूमीवर केरळच्या मुख्यमंत्र्यांनी सर्वपक्षीय बैठक बोलवली आहे. या बैठकीत एकूणच परिस्थितीवर चर्चा होणार आहे. दरम्यान, हवामान विभागाने केरळच्या इडुक्की, त्रिशूर, पलक्कड, मलप्पुरम, कोझिकोड, कन्नूर आणि कासरगोड जिल्ह्यात पुढचे दोन दिवस मुसळधार पावासाची शक्यता वर्तवली आहे. या भागात पावसाचा रेड अलर्ट जारी करण्यात आला आहे.
