अयोध्येतील एका १२ वर्षांच्या ओबीसी मुलीवर झालेल्या सामूहिक बलात्कारप्रकरणी सपा नेते मोईद खान आणि त्याचा ड्रायव्हर राजू खान यांना अटक केल्याच्या आठवड्यांनंतर डीएनए अहवालात राजू खानबद्दल महत्वाची बाब पुढे आली आहे. त्याचा डीएनए नमुना गर्भाशी जुळला आहे.
मोईद खान आणि त्याचा ड्रायव्हर राजू खान या दोघांवर अयोध्येतील एका १२ वर्षीय इतर मागासवर्गीय (ओबीसी) मुलीवर सामूहिक बलात्कार केल्याप्रकरणी आणि या घटनेची नोंद केल्याबद्दल पॉक्सो कायद्याच्या विविध कलमांखाली आणि फौजदारी कायद्यांनुसार आरोप आहेत. दोन महिन्यांहून अधिक काळ तिला ब्लॅकमेल केले. पीडितेच्या गर्भधारणेशी संबंधित आरोग्य समस्यांमुळे हा गुन्हा उघडकीस आला.
हेही वाचा..
खटला दाखल होताच जमिनी परत करण्याचा निर्णय
संभाजी राजेंच्या संघटनेला ‘महाराष्ट्र स्वराज्य पक्ष’ म्हणून मान्यता!
समाजवादी आमदार मेहबूब अली यांच्यावर गुन्हा दाखल
माओवाद्यांशी संबंध असलेल्या प. बंगालमधील १२ ठिकाणांवर छापेमारी
समाजवादी पक्षाचे नेते मोईद खान आणि त्यांचा नोकर राजू खान यांनी काही महिन्यांपूर्वी अल्पवयीन मुलीवर सामूहिक बलात्कार केल्याचा आरोप आहे. अल्पवयीन पीडितेला ब्लॅकमेल करण्यासाठी त्यांनी हा गुन्हा करताना व्हिडिओ रेकॉर्ड केला. अश्लील व्हिडिओ लीक करण्याची धमकी देऊन त्यांनी २ महिन्यांहून अधिक काळ तिचे लैंगिक शोषण सुरू ठेवले. मात्र, तिची प्रकृती खालावल्याने आणि ती गरोदर राहिल्याने कुटुंबीयांना या गुन्ह्याची माहिती मिळाली.
भदरसा पोलिस स्टेशनने या प्रकरणी ३० तासांहून अधिक काळ एफआयआर दाखल केला नाही, असाही आरोप आहे. २०१२ पासून हे पोलीस ठाणे आरोपी सपा नेता मोईद खानच्या घरातून चालत असल्याचा आरोप करण्यात येत आहे. अयोध्येतील पुरा कलंदर पोलीस स्टेशन परिसरात ही घटना घडली. आरोपी सपा नेता खान याचे भदरसा चौकीजवळ बेकरीचे दुकान होते. अल्पवयीन पीडिता तिच्या आईसोबत राहते.
८ ऑक्टोबर रोजी आरोपींवर आरोप निश्चित केले जातील आणि खटला सुरू होईल. आरोपींचे जामीन अर्ज अलाहाबाद उच्च न्यायालयाच्या लखनौ खंडपीठात विचाराधीन आहेत. दोन्ही आरोपी सध्या जिल्हा कारागृहात असून, त्यांचे जामीन अर्ज यापूर्वी स्थानिक न्यायालयाने फेटाळले होते.
