देशांतर्गत उत्पादनाला चालना देण्याच्या दिशेने, भारतातील इलेक्ट्रॉनिक्स वस्तूंची निर्यात चालू आर्थिक वर्षात प्रथमच ३ लाख कोटी रुपयांच्या पुढे जाणार आहे, ज्यामध्ये स्मार्टफोनचा मोठा वाटा राहणार आहे. स्मार्टफोनचा योगदान सर्वाधिक राहिला असून, हे आर्थिक वर्ष २०२३-२४ च्या याच कालावधीच्या तुलनेत ५४ टक्क्यांनी अधिक आहे. आर्थिक वर्ष २०२५ च्या पहिल्या ११ महिन्यांमध्ये, ॲपल आयफोनची निर्यात १.२५ लाख कोटी रुपयांवर पोहोचली, जी एकूण इलेक्ट्रॉनिक्स निर्यातीच्या ४३ टक्के आणि स्मार्टफोन निर्यातीच्या ७० टक्के आहे.
भारत सेल्युलर आणि इलेक्ट्रॉनिक्स असोसिएशन (ICEA) च्या आकडेवारीनुसार, सरकारने २०२४-२५ या कालावधीत स्मार्टफोन निर्यात २० अब्ज डॉलर (१.६८ लाख कोटी रुपये) गाठेल असा अंदाज वर्तवला होता, पण चालू आर्थिक वर्षाच्या ११ महिन्यांतच हा अंदाज पार झाला आहे. उत्पादन-संबंधित प्रोत्साहन (PLI) योजनेमुळे भारताच्या इलेक्ट्रॉनिक्स निर्यातीत लक्षणीय वाढ झाली आहे. या योजनेमुळे ॲपल आणि त्याच्या पुरवठादारांसारख्या आंतरराष्ट्रीय टेक कंपन्यांना आकर्षित करण्यात यश आले आहे, ज्या चीनवरील अमेरिकन निर्बंधांमुळे पर्यायी पुरवठा साखळी निर्माण करण्याचा विचार करत आहेत.
हेही वाचा..
निकोलस पूरनचा टी२० क्रिकेटमध्ये ६०० षटकारांचा टप्पा गाठला
कठुआमध्ये दडून बसलेल्या दहशदवाद्यांचा शोध सुरु
PLI योजनेमुळे निर्यात वाढली आणि आयात कमी झाली आहे, कारण आता देशांतर्गत उत्पादनाने ९९ टक्के देशांतर्गत मागणी पूर्ण केली आहे. निर्यातीत जवळपास ७० टक्के वाटा हा ॲपल आयफोन पुरवठा साखळीचा आहे, ज्यामध्ये तामिळनाडूमधील फॉक्सकॉन प्लांटचा ५० टक्क्यांहून अधिक वाटा आहे. फॉक्सकॉनच्या निर्यातीत मागील आर्थिक वर्षाच्या तुलनेत ४० टक्क्यांहून अधिक वाढ झाली आहे.
याशिवाय, २२ टक्के निर्यात टाटा इलेक्ट्रॉनिक्सने केली आहे, ज्याने कर्नाटकमधील विस्ट्रॉन स्मार्टफोन उत्पादन युनिट ताब्यात घेतले आहे. १२ टक्के निर्यात तामिळनाडूतील पेगाट्रॉन प्लांटमधून झाली, ज्यामध्ये टाटा इलेक्ट्रॉनिक्सने जानेवारी अखेरीस ६० टक्के भागीदारी घेतली आहे. या दोन तैवानी कंपन्यांचे अधिग्रहण केल्यानंतर, टाटा समूह देशातील प्रमुख आयफोन उत्पादक म्हणून उदयास आला आहे. दक्षिण कोरियन टेक जायंट सॅमसंगने भारताच्या एकूण स्मार्टफोन निर्यातीत सुमारे २० टक्के योगदान दिले आहे. याशिवाय, PLI योजनांमुळे आतापर्यंत १.६१ लाख कोटी रुपये गुंतवणूक, १४ लाख कोटी रुपये उत्पादन आणि ५.३१ लाख कोटी रुपये निर्यात झाली आहे, तर ११.५ लाख रोजगार निर्माण झाले आहेत.
