अमेरिकेतील दुसऱ्या क्रमांकाच्या मोठ्या राज्य टेक्सासमध्ये गोवरचे ५६१ रुग्ण आढळून आले आहेत. ही माहिती टेक्सास डिपार्टमेंट ऑफ स्टेट हेल्थ सर्व्हिसेस (DSHS) ने दिली आहे. DSHS नुसार, मागील पाच दिवसांत २० नवीन प्रकरणे समोर आली आहेत. आतापर्यंत ५८ रुग्णांना रुग्णालयात दाखल करण्यात आले आहे. DSHS ने मंगळवारी सांगितले की, गोवर अत्यंत संसर्गजन्य असल्याने याच्या रुग्णसंख्येत वाढ होण्याची शक्यता आहे.
यूएस सेंटर फॉर डिजीज कंट्रोल अँड प्रिवेन्शन (CDC) ने शुक्रवारी सांगितले की, या वर्षी अमेरिकेतील सुमारे 24 राज्यांमध्ये गोवरची ७१२ प्रकरणे नोंदवली गेली आहेत. यातील ९७ टक्के रुग्णांचे लसीकरण झालेले नाही किंवा त्यांची लसीकरणाची स्थिती अस्पष्ट आहे. सिन्हुआ वृत्तसंस्थेच्या माहितीनुसार, टेक्सासमधील सार्वजनिक आरोग्य अधिकाऱ्यांनी गेल्या महिन्यातच चेतावणी दिली होती की हा उद्रेक अनेक महिने किंवा संपूर्ण वर्षभर सुरू राहू शकतो. लसीकरणाची पातळी सरासरीपेक्षा कमी असलेल्या समुदायांमध्ये या रोगाचा सर्वाधिक फटका बसतोय.
हेही वाचा..
बंगालमधील मुर्शिदाबाद पु्न्हा पेटले !
पश्चिम बंगालमध्ये घटनात्मक यंत्रणा अपयशी
ममता बॅनर्जी यांची इमामांशी भेट, काय घडले भेटीत ?
कमर्शियल वाहनांची विक्री १० लाख युनिट्सपर्यंत पोहचेल
तज्ञांनी इशारा दिला आहे की, जर हा उद्रेक चालू राहिला तर संयुक्त राष्ट्र अमेरिका २००० साली घोषित ‘गोवरमुक्त’ दर्जा गमावू शकतो. जागतिक आरोग्य संघटनेनुसार (WHO) गोवर हा एक अत्यंत संसर्गजन्य विषाणूजन्य रोग आहे. संक्रमित व्यक्तीच्या श्वास, खोकल्यामुळे किंवा शिंकल्यामुळे तो सहजपणे पसरतो. गोवर एक गंभीर आजार असून मृत्यूसुद्धा होऊ शकतो.
कोणीही या रोगाच्या संपर्कात येऊ शकतो, मात्र लहान मुलांमध्ये हा सर्वाधिक आढळतो. गोवर शरीराच्या श्वसनसंस्थेला संक्रमित करतो आणि नंतर संपूर्ण शरीरात पसरतो.
लक्षणांमध्ये: उच्च ताप, खोकला, नाक वाहणे. संपूर्ण शरीरावर लालसर रॅश येणे यांचा समावेश होतो. गोवरपासून बचाव करण्यासाठी लसीकरण हाच सर्वात प्रभावी उपाय आहे. १९६३ मध्ये गोवरच्या लसीचा आरंभ झाला आणि त्यानंतर मोठ्या प्रमाणात लसीकरणामुळे, दर २-३ वर्षांनी होणाऱ्या मोठ्या साथी बंद झाल्या. प्रत्येक वर्षी साधारणतः २६ लाख लोकांचा मृत्यू गोवरमुळे होत असे.
WHO च्या शिफारशीनुसार: प्रभावी संरक्षणासाठी गोवरच्या लसीच्या दोन मात्रा घेणे आवश्यक आहे, कारण पहिल्या डोसने सर्व मुलांमध्ये रोगप्रतिकारशक्ती विकसित होत नाही.
