पारंपरिक आणि आधुनिक क्रीडा प्रकारांचा संगम असलेला ‘खासदार क्रीडा महोत्सव २०२५’ हा भव्य उपक्रम २ नोव्हेंबरपासून उत्तर मुंबईत सुरू होत आहे. उत्तर मुंबईचे खासदार आणि केंद्रीय मंत्री पीयूष गोयल यांच्या हस्ते या महोत्सवाचे भव्य उद्घाटन करण्यात येणार आहे. उद्घाटनाच्या दिवशी स्केटिंग, बुद्धिबळ, फुटबॉल यांसह १० क्रीडा प्रकारांनी महोत्सवाची सुरुवात होईल.
पंतप्रधान नरेंद्र मोदी यांच्या फिट इंडिया आणि खेलो इंडिया उपक्रमाशी सुसंगत, या महोत्सवाचे उद्दिष्ट नागरिकांमध्ये आरोग्य, फिटनेस आणि सामाजिक ऐक्य प्रोत्साहित करणे आहे. उत्तर मुंबईत क्रीडाबाबत जनजागृती निर्माण करणे आणि सर्व वयोगटातील नागरिकांना सक्रिय सहभागासाठी प्रेरित करणे हा महोत्सवाचा मुख्य हेतू आहे.
या महोत्सवात २० पेक्षा अधिक क्रीडा प्रकार स्पर्धांच्या स्वरूपात आयोजित करण्यात येणार आहेत.
खासदार पीयूष गोयल यांनी उत्स्फूर्त प्रतिसादाबद्दल समाधान व्यक्त करत नागरिकांना, विशेषतः युवक, मुली-महिला व सर्व वयोगटातील नागरिकांना, मोठ्या संख्येने सहभागी होण्याचे आवाहन केले. त्यांनी सांगितले की हा महोत्सव आधुनिक आंतरराष्ट्रीय खेळांसह महाराष्ट्रातील पारंपरिक क्रीडा प्रकारांचा संगम साधणार असून भारताच्या समृद्ध व विविध क्रीडा संस्कृतीचा उत्सव ठरेल.
हे ही वाचा:
इंग्रजी, हिंदी मुलांची प्रतिभा कमकुवत करत आहेत
राष्ट्र उभारणीत गुंतलेल्या आरएसएसवर बंदी घालून काय साध्य होईल?
बनावट इतिहासातून शनिवारवाड्यावर अतिक्रमण
न्यूझीलंडचा इंग्लंडवर झंझावाती विजय! वनडे मालिकेत ३-० ने क्लीन स्वीप
पारंपरिक क्रीडा प्रकारांमध्ये कुस्ती, मल्लखांब, कबड्डी, खो-खो, बॉडीबिल्डिंग इत्यादी स्पर्धा असतील तर आधुनिक क्रीडा श्रेणीत क्रिकेट, बॉक्सिंग, हॉकी, व्हॉलीबॉल, बॅडमिंटन आणि इतर अनेक लोकप्रिय खेळांचा समावेश असेल.
इच्छुक स्पर्धक अधिकृत QR कोड स्कॅन करून किंवा www.khasdarkridamahotsav.com या संकेतस्थळाला भेट देऊन नोंदणी करू शकतात. नोंदणी १० ऑक्टोबरपासून सुरू झाली असून महोत्सवाच्या संपूर्ण कालावधीत सुरू राहील.
नोंदणी कशी कराल?
-
अधिकृत QR कोड स्कॅन करून नोंदणी पोर्टल उघडा
-
आपला पसंतीचा क्रीडा प्रकार आणि श्रेणी निवडा
-
स्पर्धेची पातळी, स्थळ आणि समन्वयकाची माहिती तपासा
-
आवश्यक माहिती भरून नोंदणी फॉर्म सबमिट करा
