इंग्लंडविरुद्ध मॅंचेस्टर टेस्टमध्ये दुखापत झाल्यानंतर तब्बल चार महिन्यांपासून आंतरराष्ट्रीय क्रिकेटपासून दूर असलेला ऋषभ पंत आता दक्षिण आफ्रिकेविरुद्धच्या टेस्ट सीरीजमधून टीम इंडियात पुनरागमन करत आहे.
बीसीसीआयने शेअर केलेल्या व्हिडिओमध्ये पंत म्हणाला:
“दुखापतीनंतर कमबॅक करणे कधीच सोपं नसतं. पण ईश्वराने माझ्यावर कायम कृपा ठेवली. त्यांचे, माझ्या आई-वडिलांचे आणि कुटुंबाचे मी नेहमी आभार मानतो. मैदानात उतरलो की वर पाहतो… आणि कृतज्ञ राहतो.”
पुढे तो म्हणाला:
“जे माझ्या नियंत्रणात आहे त्यावरच मी फोकस करतो. भाग्याबद्दल विचार करून काही फायदा नसतो. ज्या गोष्टी आपल्याला आतून मजबूत ठेवतात, ज्या गोष्टींनी आपल्याला आनंद मिळतो—विशेषतः दुखापतीच्या काळात—त्याच करत राहिलं पाहिजे.”
अनुशासन, संयम आणि सातत्य हेच यशाचं खऱ्या अर्थानं सूत्र असल्याचं पंतने सांगितलं.
दक्षिण आफ्रिका ‘ए’ विरुद्धच्या चार दिवसीय सामन्यांत पंतने जबरदस्त फॉर्म आणि फिटनेस दाखवली असून त्याच्याकडून या टेस्ट सीरीजमध्ये जोरदार कामगिरीची अपेक्षा आहे.
