इज्रायल डिफेन्स फोर्सेस (IDF) ने मंगळवारी दावा केला आहे की, त्यांनी ईरानचे युद्धकालीन चीफ ऑफ स्टाफ अली शादमानी यांना ठार मारले आहे. शादमानी हे ईरानचे सर्वोच्च नेता अयातुल्ला अली खामेनेई यांचे अतिशय निकटवर्तीय होते. IDF ने एक्सवर पोस्ट करत लिहिले, “गुप्तचर शाखेच्या अचूक माहितीवर आधारित आणि रात्री अचानक मिळालेल्या संधीचा फायदा घेत, वायुदलाच्या लढाऊ विमानांनी तेहरानच्या मध्यभागी असलेल्या एका मुख्यालयावर हल्ला केला. या हल्ल्यात युद्धकालीन चीफ ऑफ स्टाफ अली शादमानी ठार झाले.
गेल्या काही आठवड्यांत ही दुसरी वेळ आहे की इज्रायलने ईरानच्या लष्करी नेतृत्वावर थेट हल्ला करत वरिष्ठ कमांडरला लक्ष्य करत ठार मारले आहे. IDF च्या मते, शादमानी यांनी चीफ ऑफ वॉर स्टाफ आणि आर्म्ड फोर्सेस इमर्जन्सी कमांडचे कमांडर म्हणून काम पाहिले. त्यांनी रिव्होल्युशनरी गार्ड आणि ईरानी लष्कराची कमानही हाताळली होती. शादमानी याआधी ‘खातेम अल-अनबिया’ इमर्जन्सी कमांडचे उपकमांडर आणि सशस्त्र दलाच्या जनरल स्टाफच्या ऑपरेशन्स विभागाचे प्रमुख होते. त्यांच्या मृत्यूमुळे ईरानच्या सशस्त्र दलाला मोठा धक्का बसला आहे.
हेही वाचा..
कामगार कल्याण योजनांचा फायदा बघा
पूल कोसळल्यानंतर राज्यातील धोकादायक पर्यटन स्थळांवर सरकारची फुली!
उद्यान अधिकाऱ्याच्या घरी बघा किती घबाड सापडलं !
अहमदाबाद विमान अपघात : १४४ जणांचे डीएनए नमुने जुळले
IDF ने दावा केला आहे की, शादमानी यांच्या नेतृत्वात ‘खातेम अल-अनबिया’ कमांड कार्यरत होती, जिच्यावर हल्ल्यांची योजना तयार करण्याची आणि मंजुरी देण्याची जबाबदारी होती. IDF ने सांगितले की, “अली शादमानी यांनी आपल्या विविध लष्करी भूमिकांमधून इज्रायलविरोधातील ईरानी योजनांवर थेट परिणाम घडवला होता. शादमानी यांनी गुलाम अली राशिद यांची जागा घेतली होती, जे शुक्रवारी ‘ऑपरेशन रायझिंग लायन’ दरम्यान मारले गेले होते. हा ऑपरेशन ईरानच्या अण्वस्त्र धोके नष्ट करून इज्रायलची सुरक्षा सुनिश्चित करण्यासाठी सुरू करण्यात आला होता.
ईरानचे सर्वोच्च नेते अयातुल्ला अली खामेनेई यांनी काही दिवसांपूर्वी ‘एक्स’वर लिहिले होते, “लेफ्टनंट जनरल गुलाम अली राशिद यांच्या शहादतीसाठी यहुदी सत्ता जबाबदार आहे. त्यानंतर, अली शादमानी यांच्या अनुभव आणि सेवांचा विचार करून मी त्यांना मेजर जनरल पद देतो आणि ‘खातेम अल-अनबिया’ सेंट्रल हेडक्वार्टर्सचा कमांडर नियुक्त करतो. यापूर्वी इज्रायलने ईरानच्या अनेक मिसाईल लॉन्चर्स नष्ट केल्याचा दावा केला होता.
IDF ने ‘एक्स’वर म्हटले आहे की, “ईरानी शासनाने जमिनीवरून जमिनीवर आणि जमिनीवरून हवेत मारा करणाऱ्या क्षेपणास्त्रांसाठी उभारलेले अनेक तळ नष्ट करण्यात आले आहेत. काल रात्री लढाऊ विमानांनी पश्चिम ईरानमधील सैनिकी ठिकाणांवर अनेक टप्प्यांत हल्ले केले.” या हल्ल्यांमध्ये मिसाईल स्टोरेज, UAV (ड्रोन) साठवणूक आणि क्षेपणास्त्र लॉन्चर्सच्या तळांना लक्ष्य करण्यात आले. इज्रायल-ईरान संघर्ष आता पाचव्या दिवशी पोहोचला आहे. दोन्ही देशांमधील संघर्ष अधिकच तीव्र होत चालला आहे. ईरानने इज्रायलवर अनेक क्षेपणास्त्रे डागली आहेत, ज्यामुळे हैफा, उत्तरी इज्रायल आणि कब्जेतील गोलान हाइट्समध्ये हवाई इशारे वाजू लागले आहेत.
