घरक्राईमनामाकुख्यात गुंड नसीम दुर्रानी चकमकीत ठार

कुख्यात गुंड नसीम दुर्रानी चकमकीत ठार

दिल्ली पोलिसांची क्राइम ब्रँच, नोएडा एसटीएफची संयुक्त कारवाई

उत्तर प्रदेशातील बुलंदशहर येथे दिल्ली पोलिसांच्या क्राइम ब्रँच आणि नोएडा स्पेशल टास्क फोर्सच्या (एसटीएफ) संयुक्त पथकाने केलेल्या कारवाईत कुख्यात गुंड नसीम दुर्रानी ठार झाला. शुक्रवारी (२० नोव्हेंबर) पहाटे ही चकमक झाली. दिल्लीचे कायदामंत्री कपिल मिश्रा यांच्या कार्यालयाजवळ १६ नोव्हेंबर रोजी झालेल्या गोळीबारात २६ वर्षीय समीर याची हत्या करण्यात आली होती. या प्रकरणात दुर्रानी आरोपी होता. तेव्हापासून पोलीस त्याचा शोध घेत होते.

पोलिसांना दुर्रानी बुलंदशहरमध्ये असल्याची माहिती मिळाली होती. त्यानुसार संयुक्त पथकाने त्याला पकडण्यासाठी मोहीम राबवली. यावेळी चकमक झाली. त्यात दुर्रानीला अनेक गोळ्या लागल्या. त्याला रुग्णालयात दाखल करण्यात आले; मात्र डॉक्टरांनी त्याला मृत घोषित केले. पोलिसांच्या माहितीनुसार, त्याच्याकडे दोन पिस्तुले होती. त्याने पोलिसांच्या दिशेने गोळीबार केल्यानंतर प्रत्युत्तरादाखल पोलिसांनीही गोळीबार केला. या चकमकीत सुमारे २० ते २२ गोळ्या झाडण्यात आल्याचे वृत्त आहे.

१६ नोव्हेंबर रोजी दिल्लीतील ईशान्य भागातील सोनिया विहार परिसरात कपिल मिश्रा यांच्या कॅम्प कार्यालयाजवळ समीरवर गोळीबार करण्यात आला होता. दुचाकीवरून आलेल्या हल्लेखोरांनी त्याच्यावर सुमारे २० गोळ्या झाडल्या. समीरला रुग्णालयात नेण्यात आले; मात्र उपचारापूर्वीच त्याचा मृत्यू झाला. या हत्येमागे नसीम दुर्रानी आणि हारून सैफी यांच्या टोळ्यांमधील वैमनस्य असल्याचा पोलिसांना संशय होता.

हे ही वाचा:

अमित देशमुखांकडून टिपू सुलतानचा उदो उदो!

अखिलेश अयोध्येत उतरले तर मीही भिडणार; योगींचा हुंकार!

इस्रायलवरून राहुल गांधींची पलटी

GTA-5 ते GTA-6; मोदींनी मांडला भारताच्या विकासाचा १३ वर्षांचा लेखाजोखा

छोटा राजनच्या हत्येचीही घेतली होती सुपारी

दुर्रानीचे अंडरवर्ल्ड डॉन दाऊद इब्राहिमच्या डी-कंपनीशी संबंध असल्याचे सांगितले जाते. तो छोटा शकीलच्या संपर्कात होता. २०१६ मध्ये तिहार तुरुंगात बंद असलेल्या छोटा राजनची हत्या करण्याची सुपारी छोटा शकीलने दुर्रानीला दिल्याचा आरोप आहे. दुर्रानीविरोधात हत्या, हत्येचा प्रयत्न आणि लूट यांसारखे २५ हून अधिक गुन्हे दाखल असल्याची माहिती आहे.

प्रतिक्रिया द्या

कृपया आपली टिप्पणी द्या!
कृपया येथे आपले नाव प्रविष्ट करा

The reCAPTCHA verification period has expired. Please reload the page.

Exit mobile version