उत्तर प्रदेशातील लखनऊ येथील लुलु मॉलमध्ये काम करणाऱ्या एका हिंदू महिला कर्मचाऱ्याने आपल्या मॅनेजरवर, फरहाज (फराझ) याच्यावर बलात्कार आणि ब्लॅकमेल केल्याचा आरोप केला आहे. आरोपीने तिला इस्लाममध्ये धर्मांतर करण्यासाठीही भाग पाडल्याचे सांगण्यात आले असून, या प्रकरणानंतर पोलिसांनी त्याला अटक केली आहे.
महिलेने सांगितले की, आरोपीने तिला अमली पदार्थ मिसळलेले शीतपेय दिले आणि त्यानंतर तिच्यावर बलात्कार केला. त्याने या कृत्याचे व्हिडिओ रेकॉर्ड केले आणि नंतर ते व्हिडिओ वापरून तिला ब्लॅकमेल केले, तिच्याकडून पैसे व दागिने उकळले. जेव्हा तिने विरोध केला तेव्हा तिला सिगारेटचे चटके देण्यात आले, तिला शिवीगाळ केली आणि शारीरिक मारहाणही करण्यात आली. आरोपीने तिला जीवे मारण्याच्या धमक्याही दिल्या.
हे ही वाचा:
गुजरात घटना : पंतप्रधान मोदींनी व्यक्त केला शोक
“न्यूझीलंडला धक्का! फिन अ‍ॅलन त्रिकोणी मालिकेबाहेर
तेजस्वी यादव यांच्या दाव्यांची पोलखोल
छांगुर बाबा प्रकरणात ईडीकडून तपास
तक्रारीत असेही नमूद करण्यात आले आहे की आरोपी सतत तिच्यावर इस्लाम स्वीकारण्यासाठी दबाव टाकत होता. त्याने म्हटले की, जर तिने धर्मांतर केले नाही तर तिला मॉलमधील नोकरी गमवावी लागेल. एवढेच नव्हे, तर तो वारंवार हिंदू धर्म आणि देवतांची निंदा करत होता, ज्यामुळे महिलेच्या धार्मिक भावना दुखावल्या गेल्या.
प्राथमिक तपासात असे उघड झाले आहे की, आरोपीचे काही संशयास्पद सोशल मीडिया खात्यांशी आणि धर्मांतरण नेटवर्कशी संबंध असू शकतात. सध्या पोलिस सायबर फॉरेन्सिक तपास करत असून, तो व्यापक नेटवर्कचा भाग आहे का याचा शोध घेत आहेत. तसेच मॉलमधील इतर कर्मचाऱ्यांचीही चौकशी केली जात आहे.
उत्तरेकडील उपायुक्त (पोलीस) यांनी सांगितले की, आरोपीविरुद्ध बलात्कार, खून करण्याची धमकी, जबरदस्तीने धर्मांतराचा प्रयत्न अशा विविध कलमांखाली गुन्हा दाखल करण्यात आला आहे. त्याला न्यायालयात हजर केले असून, कोठडीत ठेवण्यात आले आहे. सध्या लुलू मॉल व्यवस्थापनाकडून या प्रकरणावर कोणतेही अधिकृत विधान देण्यात आलेले नाही.
