राज्यातील विधानसभा निवडणुकीपूर्वी मालेगावमधून कोट्यवधी रुपयांचे बँक व्यवहार झाल्याची बाब समोर आली होती. या प्रकरणी आता नवे अपडेट समोर आले आहेत. अंमलबजावणी संचालनालयाने म्हणजेच ईडीने शेल कंपन्यांच्या २१ बँक खात्यांमधून डेबिट आणि क्रेडिट व्यवहारांद्वारे ८०० कोटी रुपयांचा मनी ट्रेल ओळखला आहे. नवी मुंबई, सुरत, अहमदाबाद, उत्तर प्रदेश आणि दिल्ली येथे असलेल्या या कंपन्या अल्पावधीत स्थापन झाल्या असल्याची बाब समोर आली आहे. ‘फ्री प्रेस जर्नल’ने यासंदर्भात वृत्त दिले आहे.
नाशिक मर्चंट को-ऑपरेटिव्ह बँक (नामको बँक), मालेगाव येथील १४ खात्यांमधून २१ शेल कंपनीच्या बँक खात्यांमध्ये एक हजार कोटींहून अधिक रक्कम प्राप्त झाली. ही खाती अटकेत असलेला आरोपी सिराज मोहम्मद आणि इतरांनी उघडली होती. अटक करण्यात आलेल्या इतर व्यक्तींपैकी एक नागनी अक्रम मोहम्मद शफी याने ही खाती व्यवस्थापित केल्याचे ईडीच्या तपासात समोर आले आहे. शफी याने या खात्यांमधून ८०० कोटी रुपये डेबिट आणि क्रेडिट्सच्या हालचाली सुलभ केल्याचा आरोप आहे. त्यातील निधीचा महत्त्वपूर्ण भाग हवाला ऑपरेशन्सद्वारे चॅनल केला जात आहे. अवघ्या तीन ते चार महिन्यांच्या कालावधीत, शफी आणि त्याच्या सहकाऱ्यांनी भारतातील विविध क्षेत्रांतून रोखीने निधी काढून घेतला आणि हवाला नेटवर्कद्वारे दुबईस्थित कंपन्या आणि इतर आंतरराष्ट्रीय गंतव्यस्थानांमध्ये हस्तांतरित केले. या प्रकरणातील आरोपी सिराज अहमद याच्याशी संबंधित दुबईस्थित कंपन्यांकडे अवैध निधी हस्तांतरित करण्यात आला. या कंपन्यांमध्ये ब्लाझ इंटरनॅशनल आणि फेअरबीन इंटरनॅशनल यांचा समावेश आहे, ज्यांनी भारतातून आंतरराष्ट्रीय व्यवहार सुलभ केले आहेत, ज्यामुळे मनी लाँड्रिंग ऑपरेशन्स आणखी गुंतागुंतीचे होतात.
दरम्यान, हा गैरव्यवहार १२० कोटी नव्हे तर १२०० कोटी रुपयांचा असल्याचा संशय व्यक्त करण्यात आला आहे. २१ बनावट कंपन्यांच्या बँक खात्यातून ८०० कोटी रुपयांचा व्यवहार झाला असून गैरव्यवहाराची नवी मुंबई, सुरत, अहमदाबाद, उत्तर प्रदेश व दिल्लीपर्यंत व्याप्ती असल्याची धक्कादायक माहिती ईडीच्या तपासात समोर आली आहे.
हे ही वाचा..
पंतप्रधान मोदी ‘द साबरमती रिपोर्ट’ सिनेमा पाहणार; संसदेत विशेष स्क्रीनिंग
टू स्पेसक्राफ्ट मिशनसाठी युरोपियन स्पेस एजन्सीसोबत इस्रो सज्ज
योगी सरकारचा मोठा निर्णय; महाकुंभ मेळ्यासाठी स्वतंत्र जिल्ह्याची घोषणा
बांगलादेशने इस्कॉनच्या ५० हून अधिक सदस्यांना भारतात येण्याची परवानगी नाकारली
नाशिक मधील मालेगाव येथील बँकेच्या शाखेत बेरोजगार तरुणांच्या खात्यांवरून १२५ कोटी रुपयांचा आर्थिक व्यवहार झाल्याचा धक्कादायक प्रकार उघडकीस आला होता. हे पैसे ‘व्होट जिहाद’साठी वापरल्याचा आरोप भाजपा नेते किरीट सोमय्या यांनी केला होता. ईडी, सीबीआय, रिझर्व्ह बँक आदी ठिकाणी तक्रार देत त्यांनी चौकशीची मागणी केली होती.
