कर्नाटकातील बजरंग दलाचे कार्यकर्ते सुहास शेट्टी यांच्या निघृण हत्येप्रकरणी राष्ट्रीय तपास संस्थेने (एनआयए) या प्रकरणात ११ आरोपींविरुद्ध आरोपपत्र दाखल केले आहे. कर्नाटकातील बेंगळुरू येथील एनआयएच्या विशेष न्यायालयात हे आरोपपत्र सादर करण्यात आले. यात धक्कादायक खुलासे करण्यात आले आहेत.
एनआयएने आपल्या निवेदनात म्हटले आहे की, ही केवळ हत्या नव्हती, तर समाजात भीती आणि दहशतीचे वातावरण निर्माण करण्यासाठी आखण्यात आलेली लक्ष्यित हत्या होती. तपास यंत्रणेनुसार, १ मे २०२५ रोजी दुपारी तलवारी आणि चाकू घेऊन आलेल्या सात हल्लेखोरांनी सुहास शेट्टी यांच्यावर हल्ला केला आणि त्यांची सार्वजनिक ठिकाणी हत्या केली. या घटनेमुळे देशभर संतापाची लाट उसळली.
गृह मंत्रालयाच्या आदेशानंतर एनआयएने हे प्रकरण ताब्यात घेतले. तपासादरम्यान, एजन्सीला शेट्टीच्या हत्येमागील कट रचल्याचे उघड झाले. सुहास शेट्टी यांच्या प्रत्येक हालचालीवर अनेक महिने लक्ष ठेवण्यात आले होते. मारेकऱ्यांनी त्यांच्या दैनंदिन दिनचर्येवर, मार्गावर आणि अगदी त्यांच्या गाडीच्या हालचालींवरही लक्ष ठेवले. १ मे रोजी, दोन गाड्यांमधून आरोपी सुहास शेट्टी यांच्या इनोव्हा गाडीचा पाठलाग करत होते. एनआयएच्या तपासात असे दिसून आले की आरोपीने प्रथम जाणूनबुजून सुहास शेट्टी यांच्या इनोव्हा कारला अपघात घडवून आणला आणि नंतर दुसऱ्या वाहनाला धडक देऊन त्यांचा मार्ग रोखला. सुहास कारमधून बाहेर पडताच हल्लेखोरांनी त्याचा पाठलाग केला आणि तलवारी, चाकूंनी त्याच्यावर हल्ला केला. त्याची निघृण हत्या करण्यात आली.
हे ही वाचा :
‘आता पाकिस्तान अन त्याच्या मालकांना भारताची ताकद कळली आहे’
अलीगढ: मंदिरांवर “आय लव्ह मोहम्मद” लिहिताना स्पेलिंग चुकले आणि पोलिसांनी पकडले
श्रीराम जन्मभूमीला आतापर्यंत ₹३ हजार कोटींचे दान; ध्वजरोहण सोहळ्यात दानदात्यांना विशेष आमंत्रण!
मालेगावमधून १० लाखांच्या बनावट नोटांप्रकरणी मौलानाला अटक
तपास यंत्रणेनुसार, हा संपूर्ण कट पॉप्युलर फ्रंट ऑफ इंडिया (पीएफआय) या बंदी घातलेल्या संघटनेच्या माजी सदस्यांनी रचला होता. अब्दुल सफवान सफवान उर्फ कलावरू सफवान याची ओळख पटली आहे. त्याच्यासोबत नियाज उर्फ निया, मोहम्मद मुसामीर, उर्फ महम्मद मुसामीर, उर्फ मोहम्मद उर्फ मुझम्मिल, नौशाद उर्फ वामनजूर, नौशाद उर्फ छोटे, नौशाद उर्फ छोटू आणि आदिल महरूफ हे होते. आदिल महरुफने या हत्येसाठी निधी पुरवला होता.
