ग्वालियर पोलिसांनी माधोगंज भागात ओळख लपवून फसवणूक आणि शोषण केल्याच्या तक्रारीवरून एका मुस्लिम व्यक्तीला अटक केली आहे. तक्रारदार असलेल्या हिंदू महिलेनुसार, आरोपीने आपली खरी ओळख लपवून तिच्याशी संबंध प्रस्थापित केले. त्याने लग्नाचे आश्वासन दिले होते आणि नंतर संबंध पुढे न नेल्यास तिला धमकावून बदनाम केल्याचेही तिने सांगितले.
पोलीस अधिकारी मनीष यादव यांच्या माहितीनुसार, संबंधित महिलेचे सुमारे नऊ वर्षांपूर्वी लग्न झाले होते, मात्र तीन वर्षांपूर्वी आजारामुळे तिच्या पतीचे निधन झाले. त्यानंतर ती आपल्या मुलांसह माहेरी राहू लागली. याच काळात तिची ओळख एका व्यक्तीशी झाली, ज्याने स्वतःचे नाव “रवि ठाकूर” असे सांगितले. कालांतराने त्याने तिचा विश्वास संपादन केला आणि दोघांमध्ये जवळीक वाढली.
महिलेने पोलिसांना सांगितले की, आरोपीने वारंवार लग्नाचे आश्वासन देत तिच्याशी शारीरिक संबंध ठेवले. नंतर शेजाऱ्यांकडून तिला कळाले की त्याचे खरे नाव “समीर खान” आहे आणि सुरुवातीपासूनच त्याने आपली ओळख लपवली होती. हे समजल्यानंतर तिने त्याच्याशी संबंध तोडण्याचा निर्णय घेतला.
हे ही वाचा:
बंगालमधील लोक तृणमुल काँग्रेसला कंटाळलेत
कमतरता नाही; शनिवारी ५१ लाखांहून अधिक सिलेंडरची डिलिव्हरी
टँक फुल, पण खिसा रिकामा! हाँगकाँगमध्ये पेट्रोल दरांचा स्फोट
यानंतर परिस्थिती गंभीर झाली. आरोपीने तिला धर्म बदलण्यासाठी दबाव टाकण्यास सुरुवात केली. तिने नकार दिल्यावर त्याने तिला धमक्या दिल्या आणि तिच्या मुलाला व बहिणीला इजा पोहोचवण्याची धमकी दिली. तसेच, त्याने तिचे आक्षेपार्ह फोटो व व्हिडिओ रेकॉर्ड करून ते सोशल मीडियावर शेअर करून तिला बदनाम केल्याचा आरोपही आहे.
या घटनांमुळे घाबरलेल्या आणि त्रस्त झालेल्या महिलेने आपल्या बहिणीसह माधोगंज पोलीस ठाण्यात तक्रार दाखल केली. तक्रारीनंतर पोलिसांनी गुन्हा नोंदवून समीर खानला अटक केली. या प्रकरणाचा पुढील तपास सुरू असल्याचे पोलिसांनी सांगितले आहे.
