भारतीय संस्कृतीचा आणि प्रकाशाचा सण म्हणून ओळखली जाणारी दिवाळी आता जगभरात लोकप्रिय होत आहे. विशेषतः अमेरिकेत दिवाळीचा जल्लोष वेगळ्याच उत्साहाने साजरा केला जातो. अनेक अमेरिकन शहरांना आणि राज्यांना आता दिवाळीला अधिकृत मान्यता मिळाली आहे. न्यूयॉर्क सिटीमध्ये दिवाळी अत्यंत दिमाखात साजरी केली जाते. येथे २०२३ पासून दिवाळीला अधिकृत सार्वजनिक सुट्टी घोषित करण्यात आली आहे. न्यूयॉर्क राज्य विधानसभेने घेतलेल्या या ऐतिहासिक निर्णयामुळे पहिल्यांदाच एखाद्या अमेरिकन शहरात दिवाळीला सरकारी सुट्टीचा दर्जा मिळाला आहे.
याशिवाय, न्यू जर्सी राज्यातील एडिसन, साउथ ब्रन्सविक आणि जर्सी सिटी या जिल्ह्यांमध्येही शाळांमध्ये दिवाळीच्या सुट्टीला मान्यता देण्यात आली आहे. या भागांमध्ये भारतीय समुदायाचे मोठे प्रमाण असल्यामुळे दिवा प्रज्वलन, फटाक्यांची आतषबाजी आणि सांस्कृतिक कार्यक्रम यांचे आयोजन केले जाते. कॅलिफोर्नियामध्येही दिवाळीचा उत्साह पाहण्यासारखा असतो. सॅन फ्रान्सिस्को, लॉस एंजेलिस आणि सॅन होजे येथे दरवर्षी “फेस्टिव्हल ऑफ लाइट्स” नावाने मोठ्या सार्वजनिक समारंभांचे आयोजन केले जाते. जरी येथे दिवाळीला अधिकृत सुट्टी मिळालेली नाही, तरीही स्थानिक प्रशासन आणि सिटी कौन्सिल भारतीय समुदायासोबत मिळून ती सांस्कृतिक सण म्हणून साजरी करतात.
हेही वाचा..
टॅरिफ वॉरचा अमेरिकेला दणका; चीनने सोयाबीनची आयात थांबवली
स्टारलिंकने १० हजार उपग्रह केले प्रक्षेपित
“राहुलजी, लवकर लग्न करा, लग्नाची ऑर्डर हवी आहे”
मोदी हटाओ बारगळले, ट्रम्प हटाओ जोरात अमेरिकेत GEN – Z रस्त्यावर
टेक्सासमधील ह्यूस्टन आणि डलास, इलिनॉय राज्यातील शिकागो, तसेच जॉर्जियाच्या अटलांटा शहरातही दिवाळीचा उत्सव अत्यंत लोकप्रिय आहे. या शहरांमध्ये भारतीय-अमेरिकन समुदाय दरवर्षी मंदिरांमध्ये आणि कम्युनिटी सेंटर्समध्ये दिवाळी मेळे, संगीत कार्यक्रम आणि लाइट शो आयोजित करतो. अमेरिकेची राजधानी वॉशिंग्टन डीसीतही गेल्या काही वर्षांपासून व्हाइट हाऊसमध्ये दिवाळी साजरी करण्याची परंपरा सुरू करण्यात आली आहे.
