महाराष्ट्रातील प्रसिद्ध व्याघ्रप्रकल्प असलेल्या ताडोबाच्या वन्यजीवनाची आणि निसर्गसौंदर्याची छायाचित्रांतून सफर करण्याची संधी मुंबईकरांना मिळणार आहे. छायाचित्रकार मोहन बने यांच्या ‘आपला ताडोबा – अ ट्रिब्यूट टू ताडोबा’ या विशेष छायाचित्र प्रदर्शनाचे आयोजन करण्यात आले आहे. २३ ते २८ नोव्हेंबर २०२६ या कालावधीत प्रभादेवी येथील रवींद्र नाट्य मंदिरात हे प्रदर्शन भरवण्यात येणार आहे.
ताडोबाच्या जंगलातील वाघ आणि इतर वन्यजीवांचे दर्शन छायाचित्रांच्या माध्यमातून घडणार आहे. प्रदर्शनाच्या निमित्ताने वन्यजीव छायाचित्रणाची आवड असणाऱ्या तसेच निसर्गप्रेमींना ताडोबाच्या जंगलाचा अनुभव घेता येणार आहे.
- प्रदर्शनाचे ठिकाण- रवींद्र नाट्य मंदिर, सिद्धिविनायक मंदिराजवळ, प्रभादेवी, मुंबई
- प्रदर्शनासंदर्भातील अधिक माहितीसाठी संपर्क- ९३२१०२६७३३
