इस्रायल आणि हमास यांच्यातील युद्धाला दोन वर्षे पूर्ण झाल्यांतर इस्रायलचे पंतप्रधान बेंजामिन नेतन्याहू यांनी यासंदर्भात महत्त्वाचे विधान केले आहे. ते म्हणाले की, गाझामधील युद्ध संपवण्याच्या जवळ आहोत पण, अद्याप हमास नष्ट झालेला नाही हे त्यांनी अधोरेखित केले. एका मुलाखतीत बोलताना त्यांनी हे विधान केले तसेच नेतन्याहू यांनी डोनाल्ड ट्रम्प यांच्याशी असलेल्या त्यांच्या संबंधांबद्दल स्पष्ट वक्तव्य केले. त्यांनी अमेरिकेला आठवण करून दिली की, मोठ्या शक्तींनाही मित्रपक्षांची आवश्यकता असते.
नेतान्याहू म्हणाले की, “आम्ही युद्ध संपवण्याच्या जवळ आहोत पण, अजून तिथे पोहोचलो नाही. आमच्या ४६ ओलिसांच्या सुटकेसह आणि हमासच्या राजवटीचा अंत होईल तेव्हा गाझामध्ये जे सुरू झाले ते गाझामध्ये संपेल,” असा विश्वास त्यांनी व्यक्त केला. गाझामधील युद्ध संपवण्यासाठी राष्ट्राध्यक्ष ट्रम्प यांच्या २० कलमी योजनेची अंमलबजावणी करण्यासाठी इस्रायल आणि हमास यांच्यात इजिप्तमध्ये चर्चा सुरू असताना नेतन्याहू यांचे हे विधान आले आहे.
इस्रायली पंतप्रधान म्हणाले की, ७ ऑक्टोबरच्या हल्ल्यानंतर सर्वांना वाटले होते की इस्रायल संपले आहे, परंतु त्या दिवसापासून इस्रायल या प्रदेशातील सर्वात मजबूत राज्य म्हणून उदयास आला. विजय पूर्ण करण्याचे ध्येय अजूनही बाकी आहे. हमास अजून नष्ट झालेला नाही, पण आपण तिथे पोहोचू, असे ते म्हणाले.
हे ही वाचा :
“अफीम” लेबलच्या बाटलीसह केलेल्या अटकेनंतर हद्दपारीची टांगती तलवार! नेमकं प्रकरण काय?
धर्मांतरासाठी परकीय निधी आणि… छांगुर बाबाविरुद्धच्या आरोपपत्रात मोठे खुलासे
भारताने पाकला ‘ऑपरेशन सर्चलाइट’ची आठवण का करून दिली?
टिलामोडमध्ये पोलिसांची मोठी कारवाई
मुलाखतीत नेतान्याहू यांनी ट्रम्प यांच्या भूमिकेबद्दलही भाष्य केले. ते म्हणाले की, “स्वाभाविकच, एक राज्य प्रथम स्वतःची काळजी घेतो परंतु, अमेरिका प्रथम याचा अर्थ एकटा अमेरिका असा होत नाही. मोठ्या शक्तींनाही मित्रांची आवश्यकता असते. इस्रायल हा एक लढाऊ मित्र आहे जो भार सहन करतो. आम्ही अमेरिकन भूदलाची मागणी करत नाही,” असे इस्रायली पंतप्रधानांनी सांगितले.
