परराष्ट्र मंत्री डॉ. एस. जयशंकर यांनी रशियन तेल खरेदीवरून भारतावर करण्यात येणाऱ्या टीकेला ठाम प्रत्युत्तर दिले आहे. त्यांनी स्पष्टपणे सांगितले की, भारत हा रशियन तेलाचा सर्वात मोठा खरेदीदार नाही तर चीन हा त्या यादीत आघाडीवर आहे. त्यांचे हे वक्तव्य अमेरिकन अध्यक्ष डोनाल्ड ट्रम्प यांच्या एका वक्तव्याच्या पार्श्वभूमीवर आले आहे, ज्यामध्ये ट्रम्प यांनी दावा केला होता की, भारताने मॉस्कोकडून तेल खरेदी थांबवले पाहिजे, कारण ही खरेदी रशियाच्या युक्रेनवरील आक्रमकतेला अप्रत्यक्षपणे पाठिंबा देते.
मॉस्कोमध्ये रशियाचे समकक्ष सर्गेई लावरोव्ह यांच्याशी द्विपक्षीय बैठकीदरम्यान बोलताना जयशंकर म्हणाले, “आम्ही रशियन तेलाचे सर्वात मोठे खरेदीदार नाही, तर चीन आघाडीवर आहे. आम्ही LNG (द्रवित नैसर्गिक वायू) खरेदीतही आघाडीवर नाही, तर युरोपीय युनियन तिथे पुढे आहे. २०२२ नंतर रशियासोबत सर्वात जास्त व्यापार वाढणारा देश आम्ही नाही, मला वाटते की दक्षिणेकडे काही देश आहेत.”
हे ही वाचा :
“बी. सुदर्शन रेड्डी यांच्या वादग्रस्त न्यायनिर्णयांचा इतिहास”
डाक विभाग भ्रष्टाचार : तीन अधिकारी दोषी
ऑनलाईन गेमिंग विधेयक : वाढत्या धोकेपासून संरक्षण
“अमेरिकेने गेल्या काही वर्षांत सांगितले आहे की जागतिक उर्जा बाजार स्थिर ठेवण्यासाठी आम्ही आवश्यक ती सर्व पावले उचलावीत, त्यात रशियाकडून तेल खरेदी करणेही आलेच. याशिवाय, आम्ही अमेरिकेकडूनही तेल खरेदी करतो, आणि ती खरेदी दिवसेंदिवस वाढते आहे. प्रामाणिकपणे सांगायचे तर, तुम्ही (माध्यमांनी) ज्या युक्तिवादाचा उल्लेख केला होता त्या युक्तिवादाबद्दल आम्ही खूप गोंधळलो आहोत…”, असे जयशंकर म्हणाले.
Moscow | During a press briefing, External Affairs Minister Dr S Jaishankar says, "…We are not the biggest purchasers of Russian oil, that is China. We are not the biggest purchasers of LNG, that is the European Union. We are not the country which has the biggest trade surge… pic.twitter.com/pbH06HtTwK
— ANI (@ANI) August 21, 2025