इस्रायलचे पंतप्रधान बेंजामिन नेतान्याहू यांनी एबीसी न्यूजला दिलेल्या मुलाखतीत म्हटले आहे की, इराणचे सर्वोच्च नेते अयातुल्ला अली खामेनी यांना मारल्याने दोन्ही देशांमधील संघर्ष संपेल. त्यांनी इस्रायलच्या इराणविरुद्ध सुरू असलेल्या लष्करी कारवायांचेही समर्थन केले आणि ते म्हणाले की, त्यांचा उद्देश संघर्ष वाढवण्याऐवजी संपवणे आहे.
अमेरिकेचे राष्ट्राध्यक्ष डोनाल्ड ट्रम्प यांनी इराणच्या सर्वोच्च नेत्याला लक्ष्य करण्याची इस्रायली योजना असल्याचे समोर आणल्यानंतर नेतान्याहू यांचे हे वक्तव्य आले आहे, कारण त्यामुळे संघर्ष आणखी वाढू शकतो अशी भीती आहे. एबीसी न्यूजशी बोलताना नेतान्याहू यांना या योजनेबद्दल विचारले असता त्यांनी ते नाकारले नाही. उलट ते म्हणाले, “यामुळे संघर्ष वाढणार नाही, तर संघर्ष संपणार आहे.”
इस्रायलचा इराणी प्रसारण इमारतीवर हल्ला, टीव्ही अँकरने काढला पळ!
विमान अपघातातील पिडीतांसाठी युएईतील भारतीय डॉक्टराची मदत!
माजी पाक मंत्री बिलावल भुट्टो म्हणाले, आता युद्ध हा एकमेव पर्याय!
खलिस्तानींचे डोके फिरले; आता मोदींच्या विरोधासाठी लहान मुलांचा वापर
इराणच्या वाढत्या क्षेपणास्त्र आणि अणुकार्यक्रमांमुळे केवळ इस्रायललाच नव्हे तर त्याच्या अरब शेजारी, युरोप आणि अमेरिकेलाही अस्तित्वाचा धोका निर्माण झाला आहे, यावर नेतान्याहू यांनी भर दिला. त्यांनी अमेरिकेच्या पाठिंब्याबद्दल आभार मानले आणि ट्रम्प यांच्या भूमिकेचे कौतुक केले. “कधीकधी तुम्हाला वाईटाविरुद्ध भूमिका घ्यावी लागते. अमेरिकन लोकांना ते सहज समजते. राष्ट्राध्यक्ष ट्रम्प यांनाही तेच समजते. आपण ते होऊ देऊ शकत नाही,” असे नेतान्याहू म्हणाले.
