भाजप नेते आणि माजी खासदार निलेश राणे यांनी सरकारचे मनाईचे आदेश झुगारून आज शेकडो भाजपा कार्यकर्त्यांसह सिंधुदुर्ग किल्यावर शिवजयंती साजरी केली. यावेळी त्यांनी राज्य सरकारवर जोरदार टीका केली. “ठाकरे सरकार हे चायना मेड असलेले डुप्लिकेट सरकार आहे.” असा टोला निलेश राणे यांनी ठाकरे सरकारवर लगावला.
छत्रपती शिवाजी महाराजांच्या जयंतीनिमित्त आज सिंधुदुर्ग किल्ल्यावर शिवराजेश्वर मंदिरात महाराजांचे पूजन केले व सांगितल्याप्रमाणे फटाक्याच्या आतिषबाजीत आणि धूमधडाक्यात शिवजयंती साजरी केली. pic.twitter.com/77pHShUPLc
— Nilesh N Rane (@meNeeleshNRane) February 19, 2021
“शिवनेरीवर सामान्य शिवभक्तांसाठी १४४ कलम लागू केले आणि मुख्यमंत्री, उपमुख्यामंत्री हेलिकॉप्टरने गेले. शिवभक्तांचा हा अपमान महाराष्ट्र कधीही विसरणार नाही. शिवरायांच्या पालखीला शिवाजी महाराजांच्या गादिचे वंशज छत्रपती संभाजी राजे यांना साधा हातही लावायला दिला नाही. हा छत्रपतींच्या गादीचा अपमान आहे. त्यामुळे अशा लोकांच्या पाठीमागून संभाजी राजे यांनी फरफटत जाऊ नये. उभा महाराष्ट्र त्यांच्या पाठीशी उभा आहे.” असे निलेश राणे म्हणाले.
हे ही वाचा:
“राजीनामा दिला म्हणजे काही उपकार नाही, आता गुन्हा दाखल करा”- निलेश राणे
“शिवरायांच्या महाराष्ट्रामध्ये गड किल्ल्यांना द्यायला पैसे नाहीत हे दुर्दैव आहे. या सरकारचे शिवाजी महाराजांवरचे प्रेम डुप्लिकेट आहे. इतकी वर्ष होऊनही शिवाजी महाराजांच्या स्मारकासाठी हे सरकार पैसे देऊ शकलेले नाही. जाहीर केलेले पैसेही द्यायला सरकारला जमत नाही. कोरोनाचे कारण सांगताहेत. शिवरायांबद्दलचे शिवसेनेचे प्रेम हे केवळ दाखविण्यासाठी आणि लोकांना मूर्ख बनविण्यासाठी आहे. हा त्यांचा निवडणुकीचा अजेंडा आहे. हे महाराष्ट्रातील जनतेला केव्हाच लक्षात आले आहे.” असेही निलेश राणे म्हणाले.
