घरस्पोर्ट्सआयपीएलमध्ये शार्दुल ठाकूर आग ओकतोय!

आयपीएलमध्ये शार्दुल ठाकूर आग ओकतोय!

विल्यमसनने शार्दुल ठाकूरच्या गोलंदाजीचं कौतुक केलं...

न्यूझीलंडचा अनुभवी क्रिकेटपटू केन विल्यमसनने आयपीएल २०२५ मध्ये सनरायझर्स हैदराबादवर लखनौ सुपर जायंट्सने मिळवलेल्या विजयाचं भरभरून कौतुक केलं. त्याने सांगितलं की ऋषभ पंतच्या नेतृत्वाखालील संघाने हैदराबादला कमी धावसंख्येवर रोखण्यात यश मिळवलं. तसेच, त्याने शार्दुल ठाकूरच्या शानदार गोलंदाजीचंही कौतुक केलं.

लखनौ सुपर जायंट्सने प्रथम गोलंदाजी करताना शार्दुल ठाकूरच्या भेदक माऱ्यामुळे सनरायझर्स हैदराबादला २० षटकांत ९ गडी तंबूत धाडत १९० धावांवर रोखलं. लखनौ सुपर जायंट्सने निकोलस पूरन आणि मिचेल मार्श यांच्या अर्धशतकी खेळीच्या जोरावर १९१ धावांचे लक्ष्य १६.१ षटकांतच पार करत ५ गडी राखून विजय मिळवला.

विल्यमसन म्हणाला, “हैदराबादमध्ये जाऊन सनरायझर्स हैदराबादशी सामना करणे हा सर्वांत कठीण कामांपैकी एक आहे. पण लखनौ सुपर जायंट्स त्यासाठी पूर्णतः सज्ज होती. त्यांनी आपल्या रणनीतीची अंमलबजावणी अतिशय प्रभावीपणे केली. लखनौच्या गोलंदाजांनी सुरेख कामगिरी करत हैदराबादला २०० धावांच्या आत रोखले.”

विल्यमसनने जिओ हॉटस्टारवरील चर्चेदरम्यान लखनौ सुपर जायंट्सचे कर्णधार ऋषभ पंत यांच्या नेतृत्वाचं भरभरून कौतुक केलं. त्याच्याच नेतृत्वामुळे हैदराबाद मोठा स्कोअर उभारण्यात अपयशी ठरली.

हेही वाचा :

ऑरेंज कॅपच्या शर्यतीत निकोलस पूरन आघाडीवर

यूएईच्या राष्ट्रपतींकडून ईदची भेट, ५०० भारतीयांसह १५०० हून अधिक कैद्यांची सुटका!

गाझामध्ये इस्रायली हल्ला, हमास प्रवक्त्यासह सात जण ठार!

ज्यांना गौमातेची दुर्गंधी येत असेल, त्याने सनातनचा अपमान करता येईल, अशी भूमी शोधावी!

मोहसिन खानच्या जागी संघात स्थान मिळालेल्या शार्दुल ठाकूरने या सामन्यात आयपीएलमधील १०० विकेट्स पूर्ण केल्या. त्याने अभिषेक शर्मा (६), ईशान किशन (०), अभिनव मनोहर (२) आणि मोहम्मद शमी (१) यांना बाद करत ३४ धावांत ४ बळी घेतले. आपल्या अप्रतिम कामगिरीमुळे त्याला ‘प्लेअर ऑफ द मॅच’ पुरस्काराने गौरवण्यात आलं.

विल्यमसनने शार्दुलच्या भेदक माऱ्याबद्दल मत व्यक्त करताना सांगितलं, “शार्दुल हा अनुभवी आंतरराष्ट्रीय गोलंदाज आहे आणि हैदराबादच्या मैदानावर सनरायझर्सविरुद्ध गोलंदाजी करणे सोपे काम नाही. पण त्याने उत्कृष्ट रणनीतीसह गोलंदाजी केली, विविधता वापरत फलंदाजांना त्रास दिला आणि सामना संघाच्या बाजूने फिरवला.”

त्याच्या अप्रतिम गोलंदाजीमुळे त्याला ‘प्लेअर ऑफ द मॅच’ पुरस्कार मिळणं संपूर्णपणे योग्य होतं.

प्रतिक्रिया द्या

कृपया आपली टिप्पणी द्या!
कृपया येथे आपले नाव प्रविष्ट करा

The reCAPTCHA verification period has expired. Please reload the page.

Exit mobile version