महाराष्ट्रात कोविड रुग्णांमध्ये घट

गेल्या काही दिवसांपासून राज्यात सुरु असलेलं कोरोनाचं थैमान आज काहीसं निवळल्याचं चित्र आहे. पण चिंता मात्र कायम आहे. त्याचं कारण असं की राज्यात आज दिवसभरात ५२ हजार ३१२ रुग्ण पूर्णपणे कोरोनामुक्त होऊन घरी परतले आहेत. तर दुसरीकडे दिवसभरात ५१ हजार ७५१ जणांची कोरोना चाचणी पॉझिटिव्ह आली आहे. तर दिवसभरात २५८ जणांचा कोरोनामुळे मृत्यू झालाय. राज्यात सध्या ५ लाख ६४ हजार ७४६ रुग्णांवर उपचार सुरु आहेत.

नव्या आकडेवारीसह राज्यात कोरोना रुग्णांची एकूण संख्या आता ३४ लाख ५८ हजार ९९६ वर पोहोचली आहे. त्यातील २८ लाख ३४ हजार ४७३ जण पूर्णपणे बरे झाले आहेत. तर राज्यात आतापर्यंत ५८ हजार २४५ रुग्णांचा कोरोनामुळे मृत्यू झाला आहे.

मुंबईत गेल्या २४ तासांत ६ हजार ९०५ जणांचा अहवाल कोरोना पॉझिटिव्ह आला आहे. तर ९ हजार ३७ रुग्ण पूर्णपणे कोरोनामुक्त झाले आहेत. मुंबईत दिवसभरात ४३ जणांचा कोरोनामुळे मृत्यू झाला आहे. मृतांपैकी ३६ जणांचा काही दीर्घ आजार होते. मृतांमध्ये ३० पुरुष आणि १३ महिला रुग्णांचा समावेश आहे.

हे ही वाचा:

ममतांना निवडणूक आयोगाचा दणका

नितीन गडकरींच्या एका फोननंतर चार हजार ‘रेमडेसिव्हीर’ इंजेक्शन हजर

अनिल देशमुखांना सीबीआयकडून समन्स

रेमडेसिवीर!! भाजपाने ‘आणून दाखवले’!!

नव्या आकडेवारीनुसार मुंबई जिल्ह्यात बरे झालेल्या रुग्णांचा दर ८० टक्के झाला आहे. तर मुंबईतील रुग्ण दुपटीचा कालावधी ३६ दिवसांवर येऊन ठेपलाय. ५ एप्रिल ते ११ एप्रिल पर्यंत मुंबईतील एकूण कोविड वाढीचा दर हा १.८९ टक्के झाला आहे.