घरविशेषभाजपच्या बिहार प्रदेशाध्यक्षपदी दिलीप जायसवाल

भाजपच्या बिहार प्रदेशाध्यक्षपदी दिलीप जायसवाल

केंद्रीय मंत्री मनोहर लाल यांनी केली घोषणा

बिहार प्रदेश परिषदेच्या बैठकीत मंगळवारी भाजपचे नवे प्रदेशाध्यक्ष म्हणून दिलीप जायसवाल यांच्या नावाची अधिकृत घोषणा करण्यात आली. केंद्रीय मंत्री आणि प्रदेश परिषदेचे प्रभारी आणि निरीक्षक मनोहर लाल यांनी त्यांच्या नियुक्तीची घोषणा केली. पटण्यातील बापू सभागृहात आयोजित प्रदेश परिषदेच्या बैठकीत ही घोषणा करताना खट्टर यांनी सांगितले की, पक्षाची परंपरा आहे की दर तीन वर्षांनी संघटनेची पुनर्रचना केली जाते. ही एक संविधानिक प्रक्रिया आहे. पक्षाचा राष्ट्रीय महोत्सव सुरू आहे, ज्यामध्ये मंडळ, जिल्हा आणि प्रदेश समितींचा समावेश असतो. त्यांनी स्पष्ट केले की बिहारमध्ये संघटनात्मकदृष्ट्या ५२ जिल्हे आहेत. त्यापैकी ४० जिल्ह्यांमध्ये ही प्रक्रिया पूर्ण झाली आहे.

त्यांनी सांगितले की, पक्षाच्या निवडणूक प्रभारी राजेश वर्मा यांच्या समोर सोमवारी दिलीप जायसवाल यांनी नामांकन पत्र भरले होते. त्यांच्या उमेदवारीचा प्रस्ताव सम्राट चौधरी, विजय सिन्हा, मंगल पांडेय, रामप्रीत पासवान, ब्रज किशोर बंध, ज्ञानचंद मांझी, केदार गुप्ता, रणधीर सिंह, रामसूरत राय आणि जगदीश राम यांनी मांडला. त्यानंतर त्यांनी दिलीप जायसवाल यांना नवीन प्रदेश अध्यक्ष म्हणून घोषित केले आणि त्यांना प्रमाणपत्र प्रदान केले.

हेही वाचा.. 

मोबाईल चोरीच्या संशयावरून केलेल्या मारहाणीत मृत्यू

माजी सेबी प्रमुख माधवी पुरी बुच यांच्याविरोधात एफआयआर करण्याच्या आदेशाला स्थगिती

वनतारा येथील केंद्रातील वन्यजीवांवर पंतप्रधान मोदींची मायेची फुंकर

समाजवादी पक्षात औरंगजेबची आत्मा

मनोहर लाल यांनी विश्वास व्यक्त केला की, दिलीप जायसवाल पक्षाचे संघटनात्मक काम प्रभावीपणे पार पाडतील. यंदा बिहारमध्ये विधानसभा निवडणूक होणार असून सर्व पक्षांनी तयारी सुरू केली आहे. प्रदेश भाजपच्या या मोठ्या निर्णयाने पक्षाने आगामी निवडणूक रणनीती अधिक धारदार करण्याचा संकेत दिला आहे.

या बैठकीला प्रदेश प्रभारी विनोद तावडे, सह-प्रभारी दीपक प्रकाश, उपमुख्यमंत्री सम्राट चौधरी आणि विजय सिन्हा, केंद्रीय मंत्री गिरिराज सिंह, नित्यानंद राय, खासदार राधा मोहन सिंह, रविशंकर प्रसाद आणि संजय जायसवाल यांसारख्या पक्षाच्या वरिष्ठ नेत्यांची उपस्थिती होती. तसेच, प्रदेश स्तरापासून मंडळ स्तरापर्यंत जवळपास 15,000 कार्यकर्तेही हजर होते.

प्रतिक्रिया द्या

कृपया आपली टिप्पणी द्या!
कृपया येथे आपले नाव प्रविष्ट करा

The reCAPTCHA verification period has expired. Please reload the page.

Exit mobile version