लोकायुक्तांनी कर्नाटकमधील राजधानी बेंगळुरू सहित राज्यातील ३० हून अधिक ठिकाणी छापे टाकले आहेत. या कारवाईत राज्य सरकारमध्ये कार्यरत असलेल्या ७ सरकारी अधिकाऱ्यांना लक्ष्य करण्यात आले आहे. लोकायुक्तांकडून राज्यातील अधिकाऱ्यांनी त्यांच्या ज्ञात उत्पन्नाच्या स्त्रोतांपेक्षा अधिक संपत्ती मिळवल्याच्या माहितीच्या आधारे ही छापेमारी केली जात आहे.
बेंगळुरूमध्ये १२ ठिकाणी, तुमकुरूमध्ये ७, यादगीरमध्ये ५ , मंगळुरूमध्ये ४ आणि विजयपूर जिल्ह्यात ४ ठिकाणी छापे टाकले जात आहेत. या ठिकाणांमध्ये तुमकुरूमधील निर्मिती केंद्राचे प्रकल्प संचालक, मंगळुरूमधील एक सर्वेक्षण पर्यवेक्षक आणि डॉ. बी.आर. आंबेडकर विकास निगमशी संबंधित एका वरिष्ठ महिला अधिकाऱ्याच्या निवासस्थानी व कार्यालयात छापे टाकण्यात आले आहेत. बेंगळुरू शहर आणि ग्रामीण नियोजन संचालनालयाशी संबंधित अतिरिक्त संचालक, लीगल मेट्रोलॉजी विभागातील एक निरीक्षक, होसकोटे तालुका कार्यालयातील द्वितीय श्रेणी सहाय्यक आणि यादगीर तालुका कार्यालयातील एका कर्मचाऱ्याच्या निवासस्थानीही छापे टाकण्यात आले आहेत.
हेही वाचा..
सुप्रीम कोर्टाचा मंत्री विजय शाह यांना दणका
मुठभर शेंगदाणे खाल्याचे फायदे बघा !
पानिपतमध्ये पाकिस्तानी गुप्तहेराला अटक!
थरूर यांच्या विधानांवरून काँग्रेस नाराज
कलबुर्गी शहरातील अक्कमहादेवी लेआउट भागात यादगीर जिल्ह्याच्या तहसीलदाराच्या निवासस्थानी व मालमत्तांची झडती घेण्यात येत आहे. अधिकाऱ्यांच्या नातेवाईकांच्या ठिकाणांवरही छापेमारी केली जात आहे. या संदर्भात लोकायुक्तांकडून अद्याप कोणतेही अधिकृत निवेदन आलेले नाही. यापूर्वी ८ जानेवारी रोजी लोकायुक्त अधिकाऱ्यांनी उत्पन्नापेक्षा अधिक संपत्ती मिळवल्याच्या प्रकरणात कर्नाटकातील सात सरकारी अधिकाऱ्यांवर एकाच वेळी छापेमारी केली होती. बेंगळुरू, चिक्कमगळुरू, बीदर, बेळगावी, गडग, बल्लारी, रायचूर, बागलकोट आणि तुमकुरू या 9 जिल्ह्यांमध्ये छापे टाकण्यात आले होते.
३१ जानेवारी रोजीही लोकायुक्त अधिकाऱ्यांनी राज्यातील चार जिल्ह्यांतील सात ठिकाणी छापेमारी केली होती. बेंगळुरू, बेळगावी, रायचूर आणि बागलकोट जिल्ह्यांमध्ये एकाच वेळी छापेमारी झाली होती. उत्पन्नापेक्षा अधिक संपत्ती मिळवल्याच्या प्रकरणात सरकारी अधिकाऱ्यांच्या निवासस्थानी आणि मालमत्तांवर छापे टाकले होते. या अधिकाऱ्यांमध्ये एक प्रभारी उप-पंजीयक देखील सामील होता.
