केरळमधील इंडियन युनियन मुस्लिम लीगने (आययूएमएल) व्ही. डी. सतीसन यांना मुख्यमंत्री म्हणून घोषित केल्यानंतर प्रक्षोभक घोषणाबाजी केल्यामुळे नव्या वादाला तोंड फुटले आहे. इडुक्की जिल्ह्यात काँग्रेसचा मित्रपक्ष असलेल्या या पक्षाने आयोजित केलेल्या या मोर्चात, “ज्या केरळ भूमीवर लीगचे राज्य आहे, तिथे कायदे लीगच ठरवते,” अशी घोषणाबाजी केली आहे. तसेच जातीय संघटनांच्या नेत्यांना लक्ष्य करणारी अपमानास्पद टीकाही करण्यात आली.
सुरुवातीला सतीसनचे स्वागत करणारी घोषणा नंतर तीक्ष्ण झाली आणि थेट नायर सेवा सोसायटी (NSS) प्रमुख सुकुमारन नायर आणि श्री नारायण धर्म परिपालना (SNDP) योगमचे सरचिटणीस वेल्लापल्ली नटेसन यांना लक्ष्य करण्यात आले. “हा वेल्लापल्ली कोण आहे? हा सुकुमारन कोण आहे? नीट बघा, ही लीग आहे, पनाक्कडची लीग,” असे कार्यकर्ते घोषणाबाजी करत होते. निवडणुकीच्या आधी पक्षावर कठोर शब्दांत टीका करणाऱ्या वेल्लापल्ली नटेशन यांच्यासाठीही त्यांनी अपशब्द वापरले. काही घोषणांमध्ये असेही म्हणण्यात आले की, “आत्मसन्मान आणि अस्तित्व कोणासमोरही गहाण ठेवता येत नाही.”
१४० सदस्यांच्या विधानसभेत २२ आमदार असलेल्या आणि काँग्रेसच्या नेतृत्वाखालील यूडीएफमधील दुसरा सर्वात मोठा पक्ष असलेल्या मुस्लिम लीगने, काँग्रेस हायकमांडने सतीशन, के. सी. वेणुगोपाल आणि रमेश चेन्नीथला यांच्यापैकी मुख्यमंत्रीपदासाठी अंतिम निर्णय घेण्यापूर्वीच सतीशन यांना जाहीरपणे पाठिंबा दिला होता. केरळमधील काँग्रेस मुस्लिम लीगच्या प्रभावाखाली काम करते आणि त्यांच्या राजकीय अजेंड्याचे पालन करते, असा आरोप सीपीआय(एम) आणि भाजपने वारंवार केला आहे. मात्र, सतीश हे एनएसएस आणि एसएनडीपी नेतृत्वातील काही गटांची पसंतीचे उमेदवार नव्हते आणि त्यांनी अनेक प्रसंगी जाहीरपणे त्यांच्या भूमिकेला विरोध केला होता. मोर्चादरम्यान दिलेल्या घोषणा त्याच राजकीय संघर्षाचे प्रतिबिंब मानल्या जात होत्या. या वादानंतर मुस्लिम युथ लीगने आपली इडुक्की जिल्हा समिती निलंबित केल्याचे वृत्त आहे.
हे ही वाचा:
मुंबई, दिल्ली, गुरूग्रामनंतर बंगळुरूमध्ये टेस्लाचे ‘एक्स्पिरियन्स सेंटर’
शी जिनपिंग म्हणाले, अमेरिका अधोगतीकडे चालली
पेट्रोल-डिझेलच्या दरात ३ रुपयांनी वाढ; तर सीएनजी २ रुपयांनी महागले
इंग्लंडचा स्टार मिडफिल्डर, ज्याच्या सन्मानार्थ क्लबने ‘२२ नंबर’ जर्सीच रिटायर केली
दहा दिवसांच्या तीव्र विचारविनिमय आणि अनिश्चिततेनंतर, काँग्रेसने गुरुवारी व्ही. डी. सतीशन यांना केरळचे पुढील मुख्यमंत्री म्हणून घोषित केले. भाजपने असा आरोप केला आहे की, आता पुढील पाच वर्षे केरळवर प्रभावीपणे आययूएमएलचेच सरकार चालेल. भाजपचे प्रदेशाध्यक्ष राजीव चंद्रशेखर यांनी असा दावा केला आहे की, सतीशन यांची मुख्यमंत्रीपदी निवड ही मुस्लिम लीग आणि जमात-ए-इस्लामीच्या प्रभावामुळे झाली आहे, ज्याला त्यांनी एक राजकीय इस्लामी संघटना म्हटले आहे.
