भारत आणि इंग्लंड यांच्यातील तिसऱ्या कसोटीस गुरुवारपासून लॉर्ड्स मैदानावर सुरुवात होणार आहे. या पार्श्वभूमीवर माजी सलामीवीर शिखर धवन यांनी कर्णधार शुभमन गिल आणि टीम इंडियाच्या कामगिरीचं कौतुक केलं आहे.
त्यांच्या मते, दुसऱ्या कसोटीतल्या विजयामुळे आता संघावरील मानसिक दबाव कमी झालाय.
धवन म्हणाले,
“५८ वर्षांनंतर एजबॅस्टनमध्ये मिळालेल्या ऐतिहासिक विजयाबद्दल संपूर्ण संघाचं अभिनंदन करतो. दुसऱ्या कसोटीत टीम इंडियाने दाखवलेली जिद्द आणि लढा उल्लेखनीय होता.”
🌟 शुभमन गिलचं नेतृत्त्व, सिराज-आकाशदीपची साथ
शिखर धवन यांच्या मते, शुभमन गिलने २६९ आणि १६१ धावांच्या शानदार खेळीने नेतृत्त्व सांभाळलं.
बुमराहच्या अनुपस्थितीत मोहम्मद सिराज आणि आकाशदीप यांनी गोलंदाजीत मोलाची भूमिका बजावली.
🏏 पहिल्या कसोटीतही होते पॉझिटिव्ह संकेत
धवन यांनी लीड्समध्ये झालेल्या पहिल्या कसोटीतील उल्लेख करताना सांगितले की,
“गिलने १४७ धावांची खेळी केली, पंतने दोन शानदार शतकं झळकावली. राहुल आणि यशस्वी जायसवाल यांनी शतक ठोकत मजबूत सुरूवात दिली. बुमराहनेही ५ विकेट्स घेत इंग्लिश फलंदाजांना हैराण केलं.”
📉 दबाव कमी, आत्मविश्वास वाढला
धवन म्हणाले,
“सीरिज १–१ अशी बरोबरीत आली आहे आणि त्यामुळे आता टीम इंडियावरचा दबावही कमी झाला आहे. संघाने पहिल्या सामन्यातून शिकून दुसऱ्या सामन्यात मोठं पुनरागमन केलं. हे पुढील सामन्यांसाठी सकारात्मक संकेत आहेत.”
🔜 तिसरी कसोटी निर्णायक ठरणार
इंग्लंडने पहिला सामना ५ गडी राखून जिंकला होता, तर भारताने दुसऱ्या कसोटीत ३३६ धावांनी दणदणीत विजय मिळवला.
आता लॉर्ड्स कसोटीत दोन्ही संघांना २–१ आघाडी घेण्याची संधी आहे.
