मुंबईतील पवई परिसरातून गुरुवार, ३० ऑक्टोबर रोजी एक धक्कादायक घटना घडत असल्याचे समोर आले आहे. एका स्टुडिओमध्ये दिवसाढवळ्या सुमारे १५ ते २० मुलांना ओलीस ठेवण्यात आल्याने खळबळ उडाली होती. यानंतर झालेल्या पोलिसांच्या कारवाईनंतर काही वेळातच सर्व मुलांना सोडवण्यात यश आले.
संबंधित घटना आर ए स्टुडिओमध्ये घडली, जिथे नियमितपणे अभिनयाचे वर्ग घेतले जातात. प्राथमिक माहितीनुसार, मुलांना ओलीस ठेवणाऱ्या व्यक्तीची ओळख रोहित आर्य म्हणून झाली आहे, जो स्टुडिओमधील कर्मचारी आहे आणि तो एक यूट्यूब चॅनल देखील चालवतो. गेल्या चार ते पाच दिवसांपासून, रोहित स्टुडिओ आवारात ऑडिशन्स घेत होता अशी माहिती समोर आली आहे. गुरुवारी सकाळी, जेव्हा जवळजवळ १०० मुले ऑडिशन्ससाठी आली तेव्हा त्याने सुमारे ८० मुलांना परत पाठवून दिले आणि उरलेल्या २० मुलांना आतच कोंडून ठेवले.
दरम्यान, रोहित आर्य म्हणून स्वतःची ओळख पटवणाऱ्या संशयिताने जारी केलेल्या व्हिडिओ संदेशात, त्याने म्हटले आहे की त्याने एक योजना आखली होती आणि काही लोकांशी जबरदस्तीने संभाषण करण्यासाठी मुलांना ओलीस ठेवले होते. त्याच्या वक्तव्याचे स्पष्टीकरण देताना, त्याने म्हटले की त्याच्याकडे मोठ्या आर्थिक मागण्या नाहीत आणि त्याच्या मागण्या नैतिक आहेत असा आग्रह धरला. तो म्हणाला की त्याला प्रश्न विचारायचे आहेत आणि उत्तरे मिळवायची आहेत आणि तो स्वतःला दहशतवादी मानत नाही. त्याने असा इशाराही दिला की कोणत्याही आक्रमक हालचालीमुळे तो उत्तेजित होऊन आग लावू शकतो. यानंतर कारवाई दरम्यान आरोपीला अटक करण्यात आली आहे.
हेही वाचा’..
भगवान श्रीरामांविषयी वादग्रस्त टिपण्णी करणाऱ्या अनस पठानच्या आवळल्या मुसक्या
छत्रपती शिवाजी महाराज संग्रहालय वैभवाचे प्रेरणास्थान बनेल
‘एसटीईएम’ महिलांना संधी देणे आवश्यक
ब्राझीलमध्ये ड्रग्ज टोळ्यांविरोधातील कारवाईत १२१ जणांचा मृत्यू
मुलांना स्टुडिओमध्ये डांबून ठेवल्याची माहिती मिळताच पोलीस तातडीनं घटनास्थळी दाखल झाले. पोलिसांनी चारही बाजुने स्टुडिओला वेढा टाकला. त्यानंतर पोलिसांनी या मुलांची अखेर आता सुटका केली असून, आरोपीला ताब्यात घेण्यात आलं आहे, घटनेबाबत अधिक तपास सुरू असल्याची माहिती पोलिसांनी दिली. रोहित याने १ वाजेपासून ते ४ पर्यंत तब्बल तीन तास या मुलांना एका खोलीमध्ये डांबून ठेवलं होतं. मुलं जेवणासाठी आली नाहीत, म्हणून हा धक्कादायक प्रकार समोर आला.
दरम्यान घटनेची माहिती मिळताच पोलिसांनी तातडीनं घटनास्थळी धाव घेतली, पोलिसांनी आरोपीच्या तावडीमधून या मुलांची सुटका केली. आरोपीच्या मागण्या नेमक्या काय होत्या, आणि त्याने मुलांना ओलीस का ठेवलं हे अजूनही अस्पष्ट आहे. घटनेबाबत तपास सुरू आहे, दरम्यान आरोपी हा मनोरुग्ण असल्याची माहिती आता समोर येत आहे.
