घरक्राईमनामाबनावट सही प्रकरणी सीआयडीकडून अभिषेक बॅनर्जींची सहा तास चौकशी

बनावट सही प्रकरणी सीआयडीकडून अभिषेक बॅनर्जींची सहा तास चौकशी

१४ जूनला पुन्हा हजर राहण्यासाठी समन्स

तृणमूल कॉंग्रेस आमदारांच्या स्वाक्षऱ्यांमधील विसंगती प्रकरणात तृणमूल काँग्रेसचे (टीएमसी) राष्ट्रीय सरचिटणीस आणि खासदार अभिषेक बॅनर्जी हे चौकशीच्या फेऱ्यात अडकले आहेत. अभिषेक बॅनर्जी यांना सीआयडीने पुन्हा एकदा चौकशीसाठी १४ जून रोजी हजर राहण्याचे समन्स बजावले आहे. गुरुवारी त्यांना चौकशीसाठी सीआयडी मुख्यालयात बोलावण्यात आले होते. सुमारे सहा तास चौकशी केल्यानंतर सीआयडीने त्यांना उशिरा रात्री सोडून दिले.

माहितीनुसार, गुरुवारी झालेल्या दीर्घ चौकशीदरम्यान अभिषेक बॅनर्जी यांना मूळ ठराव पुस्तिका (रेझोल्यूशन बुक) आणि बैठकीच्या इतिवृत्ताशी (मिनिट्स) संबंधित काही महत्त्वाच्या प्रश्नांची समाधानकारक उत्तरे देता आली नाहीत. “पक्षाचे सरचिटणीस म्हणून आपण रेझोल्यूशन बुकबाबत माहिती नसल्याचे म्हणू शकता का?” असा प्रश्न विचारण्यात आल्यानंतर अभिषेक बॅनर्जी काही मिनिटांसाठी संतुलन गमावल्याचे दिसून आले. मूळ रेझोल्यूशन बुकबाबतच्या प्रश्नांव्यतिरिक्त, या प्रकरणातील अनेक अन्य प्रश्नांचीही त्यांना स्पष्ट उत्तरे देता आली नसल्याचे सूत्रांनी सांगितले.

हे ही वाचा:

नेमबाजी प्रशिक्षक जसपाल राणा यांचे निधन

पहिले ट्रिलियनपती एलॉन मस्क! संपत्ती आता तैवानच्या जीडीपीपेक्षाही जास्त

टिंडरचा राईट स्वाइप महागात; हनीट्रॅपमध्ये न्यायाधीशांना ५२ लाखांचा फटका

मोदी सरकारच्या १२ वर्षांत महिला सक्षमीकरणाला नवी दिशा

सीआयडी चौकशीनंतर अभिषेक बॅनर्जी थेट ममता बॅनर्जी यांच्या हरीश चॅटर्जी स्ट्रीट येथील निवासस्थानी गेले. सलग तीन समन्सकडे दुर्लक्ष केल्यानंतर अखेर गुरुवारी ते सीआयडीसमोर चौकशीसाठी हजर झाले होते. दरम्यान, कोलकाता उच्च न्यायालयाने अभिषेक बॅनर्जी यांना अटकेसह कोणत्याही कठोर पोलिस कारवाईपासून २१ दिवसांचे संरक्षण दिले आहे. तसेच तपास अधिकाऱ्यांना पूर्ण सहकार्य करण्याचे निर्देशही न्यायालयाने दिले आहेत. याशिवाय, प्रकरणाची निष्पक्ष चौकशी करण्यासाठी आवश्यकतेनुसार छापे आणि शोधमोहीम राबविण्याची मुभा सीआयडीला देण्यात आली आहे.

प्रतिक्रिया द्या

कृपया आपली टिप्पणी द्या!
कृपया येथे आपले नाव प्रविष्ट करा

The reCAPTCHA verification period has expired. Please reload the page.

Exit mobile version