मुंबईतील मुंब्रा येथे ‘जय श्रीराम’ असे लिहिलेल्या की-चेनवरील अक्षरे पुसून त्यांची विक्री केली जात असल्याचा प्रकार समोर आला आहे. मोहम्मद जुबेर कुरेशी याच्या मालकीच्या ‘दिल्ली मेकअप बाजार’ या दुकानात हा प्रकार घडल्याचा आरोप आहे. या घटनेची माहिती मिळताच हिंदू संघटनांच्या कार्यकर्त्यांनी दुकानात जाऊन चौकशी केली. तसेच पोलिसांना याबाबत माहिती दिली.
हिंदू संघटनांनी दिलेल्या तक्रारीनंतर मुंब्रा पोलिसांनी दुकानदार मोहम्मद जुबेर कुरेशी याच्याविरोधात भारतीय न्याय संहितेच्या (BNS) कलम २९९ अंतर्गत गुन्हा दाखल केला आहे. धार्मिक भावना दुखावण्याच्या उद्देशाने जाणीवपूर्वक आणि द्वेषपूर्ण कृती केल्यास या कलमांतर्गत कारवाईची तरतूद आहे. या प्रकारामुळे परिसरात चर्चेला उधाण आले असून, संबंधित दुकानात नेमके काय घडले आणि की-चेनवरील ‘जय श्रीराम’ हा मजकूर कोणाच्या सांगण्यावरून पुसण्यात आला, याचा तपास करण्याची मागणी होत आहे. पोलिसांनी दाखल केलेल्या गुन्ह्याच्या अनुषंगाने या प्रकरणाचा अधिक तपास सुरू असून, चौकशीतून या प्रकारामागील नेमके कारण स्पष्ट होण्याची अपेक्षा आहे.
In Mumbra, Maharashtra, it has come to light that a shop named ‘Delhi Makeup Bazaar’—run by Mohammad Zubair Qureshi—was selling keychains featuring the phrase ‘Jai Shri Ram’. It is alleged that the ‘Jai Shri Ram’ inscription was being removed from the keychains before they were sold.
Upon learning of this, members of Hindu organizations arrived at the scene, conducted an inquiry, and alerted the police.
Following a complaint filed by these Hindu organizations, the Mumbra police registered an FIR against Mohammad Zubair Qureshi under Section 299 of the Bharatiya Nyaya Sanhita (BNS).
Such incidents, occurring on the sacred land of Chhatrapati Shivaji Maharaj, are a matter of serious concern.
— सकल हिंदू समाज मुंबई 🚩 (@Sakalhindu_) November 5, 2026
हे ही वाचा:
स्वातंत्र्यानंतर पहिल्यांदाच गावात वीज; ४०० कुटुंबांची दिवाळी उजळणार
महाभारत, अर्थशास्त्र, राजतरंगिणीची युनेस्कोच्या ‘मेमरी ऑफ द वर्ल्ड’मध्ये नोंद
नाशिक टीसीएस धर्मांतर प्रकरणात इम्तियाज जलील यांच्यावर गुन्हा
हरमीत कौर ढिल्लन यांचा अमेरिकेच्या सहाय्यक ऍटर्नी जनरल पदाचा राजीनामा
दरम्यान, सकल हिंदू समाज मुंबई यांनीही या घटनेसंदर्भात सोशल मीडियावर पोस्ट केली आहे. छत्रपती शिवाजी महाराजांच्या पवित्र भूमीत अशा प्रकारच्या घटना घडणे ही गंभीर चिंतेची बाब असल्याचे संघटनेने पोस्टमध्ये म्हटले आहे. तसेच या प्रकरणी संबंधितांवर कारवाई करण्याची मागणी करण्यात आली आहे.
