चीनचे माजी राष्ट्राध्यक्ष जियांग झेमिन यांचे निधन झाले आहे. वयाच्या ९६ व्या वर्षी त्यांनी अखेरचा श्वास घेतला. चीनच्या सरकारी प्रसारमाध्यमांनी दिलेल्या माहितीनुसार, ते ल्युकेमिया या आजाराने ग्रस्त होते. त्यामुळे त्यांच्या शरीरातील अनेक अवयवांनी काम करणे बंद केले होते. १९८९ च्या तियानमेन स्क्वेअर हत्याकांडानंतर चीनचे नेतृत्व करण्यासाठी जियांग झेमिन यांची निवड झाली. त्यांनी सुमारे एक दशक चीनवर राज्य केले. जियांगच्या कारकिर्दीत तियानमेन स्क्वेअरच्या निषेधानंतर चीनमध्ये कोणतीही मोठी निदर्शने झाली नाहीत.
चीनच्या विकासात महत्त्वाचा वाटा उचलणारे जिआंग झेमीन फॅक्टरी इंजिनिअरपासून जगातील सर्वाधिक लोकसंख्या असलेल्या देशाचे नेता बनले. , ज्यामुळे चीन जागतिक व्यापार, लष्करी आणि राजकीय शक्ती म्हणून उदयास आला. १९८९मध्ये त्यांनी पदभार स्वीकारला तेव्हा चीन आर्थिक आधुनिकीकरणाच्या सुरुवातीच्या टप्प्यात होता आणि तियानमेन हत्याकांडातून सावरण्याचा प्रयत्न करत होता. पण २००३ मध्ये जियांग अध्यक्षपदावरून निवृत्त झाले तोपर्यंत चीन जागतिक व्यापार संघटनेचा सदस्य झाला होता. ब्रिटनने हाँगकाँगचा ताबा दिला होता, बीजिंगने २००८ ऑलिम्पिक जिंकले होते आणि देश महासत्ता होण्याच्या मार्गावर होता.
हे ही वाचा :
सूरतमध्ये केजरीवालांच्या प्रचार रॅलीमध्ये दगडफेक
नाशिक आश्रमातील मुलींवरील अत्याचारप्रकरणी चित्रा वाघ यांनी घेतली कठोर भूमिका
शिवडीचा किल्ला अतिक्रमणातून मुक्त करणार
राहुल गांधींविरोधात रणजीत सावरकर यांचा नोंदविला जबाब
१९८९ मध्ये लोकशाही समर्थक आंदोलकांवर रक्तरंजित कारवाईनंतर जियांग यांना चीनच्या सत्ताधारी कम्युनिस्ट पक्षाचे प्रमुख बनवण्यात आले होते. जियांग झेमिन हे जवळपास एक दशक चीनचे राष्ट्राध्यक्ष होते. त्यांनी आपल्या कार्यकाळात अनेक महत्त्वाचे निर्णयही घेतले. ज्याचा चीनवर मोठा प्रभाव पडला. जियांग झेमिन यांचा जन्म १७ ऑगस्ट १९२६ रोजी झाला.
