बांगलादेशातील चट्टोग्राम येथील न्यायालयाने गुरुवारी (२ जानेवारी) देशद्रोहाच्या खटल्यात ढाका पोलिसांनी २५ नोव्हेंबर रोजी अटक केलेल्या हिंदू साधू चिन्मय कृष्ण दास ब्रह्मचारी यांचा जामीन अर्ज फेटाळला. एक महिन्याहून अधिक काळ ते तुरुंगात कैद आहेत. यानंतर भारताने यावर आपली भूमिका मांडली असून या प्रकरणाची चाचपणी निष्पक्ष व्हावी असे आवाहन केले आहे.
भारताने शुक्रवारी बांगलादेशी अधिकाऱ्यांना तुरुंगात टाकलेल्या हिंदू भिक्षू चिन्मय कृष्ण दास ब्रह्मचारी यांच्यावर न्याय्य खटल्याची खात्री करण्याचे आवाहन केले. परराष्ट्र मंत्रालयाचे अधिकृत प्रवक्ते रणधीर जयस्वाल यांनी शुक्रवार, ३ जानेवारी रोजी साप्ताहिक मीडिया ब्रीफिंगमध्ये सांगितले की, आम्ही निष्पक्ष चाचणीची विनंती करतो. चिन्मय दास यांना ढाका पोलिसांनी २५ नोव्हेंबर रोजी देशद्रोहाच्या प्रकरणात अटक केली होती. गुरुवारी (२ जानेवारी) त्यांचा जामीन अर्ज फेटाळण्यात आला. ढाकाहून चट्टोग्रामला गेलेल्या ११ सर्वोच्च न्यायालयाच्या वकिलांच्या टीमने मागितलेला जामीन अर्ज मेट्रोपॉलिटन सत्र न्यायाधीश मोहम्मद सैफुल इस्लाम यांनी सुमारे ३० मिनिटे दोन्ही बाजूंचा युक्तिवाद ऐकल्यानंतर फेटाळला.
हे ही वाचा :
आनंद महिंद्रा म्हणतात, महाकुंभाला माझ्या हृदयात विशेष स्थान !
थेट परकीय गुंतवणुकीत महाराष्ट्र अव्वल; सहा महिन्यात वार्षिक सरासरीच्या ९५ टक्के गुंतवणूक
कर्नाटकात बस भाडेवाढ, आता पत्नीसाठी बस मोफत, पतीला दुप्पट भाडे!
रेल्वे रुळावर पडला होता लोखंडी दरवाजा; रेल्वे उलटवण्याचा होता कट!
प्रकरण काय?
इस्कॉनचे माजी पुजारी चिन्मय कृष्ण दास यांना २५ नोव्हेंबर रोजी देशद्रोहाच्या आरोपाखाली पोलिसांनी ढाका विमानतळावरून अटक केली होती. २६ नोव्हेंबर रोजी बांगलादेशच्या बंदर शहर चितगाव येथील न्यायालयाने त्यांचा जामीन फेटाळत त्याला तुरुंगात पाठवण्याचे आदेश दिले. त्यांच्या अनुयायांनी त्यांच्या जेल व्हॅनसमोर ठिय्या मांडला आणि ताफा अडवला. आंदोलकांशी झटापट झाल्यानंतर या संघर्षात सैफुल इस्लाम अलिफ नावाचा वकील ठार झाला. चिन्मय यांची बाजू मांडण्यासाठी वकील नसल्यामुळे चितगाव न्यायालयाने ३ डिसेंबर रोजी जामीन सुनावणीसाठी २ जानेवारीची तारीख निश्चित केली होती.
