घरदेश दुनियाऑपरेशन सिंदूर म्हणजे भारताकडून जगाला दिला गेलेला दहशतवादाविरोधातला स्पष्ट संदेश

ऑपरेशन सिंदूर म्हणजे भारताकडून जगाला दिला गेलेला दहशतवादाविरोधातला स्पष्ट संदेश

इस्रायलचे मुंबईतील कॉन्सल जनरल कोबी शोषानी यांनी मांडले मत; मोहिमेच्या नावाचेही केले कौतुक

इस्रायलचे मुंबईतील कॉन्सल जनरल कोबी शोषानी यांनी बुधवारी भारतीय सशस्त्र दलांनी राबवलेल्या ‘ऑपरेशन सिंदूर’चे कौतुक केले. भारताच्या आत्मसंरक्षणाच्या हक्काला इस्रायलचा पाठिंबा असल्याचे त्यांनी स्पष्ट केले. भारत तसेच जगातील कोणताही देश दहशतवादी कृती सहन करणार नाही, असा इशारा त्यांनी दिला. एएनआयची बोलताना शोषानी म्हणाले की, “भारताला आत्मसंरक्षणाचा पूर्ण हक्क आहे. ही कारवाई म्हणजे भारताकडून जगाला दिला गेलेला अत्यंत स्पष्ट आणि ठोस संदेश आहे.”

कोबी शोषानी पुढे म्हणाले की, “दहशतवाद्यांना हा संदेश पोहोचवणे अत्यावश्यक होते. ही कारवाई आत्मसंरक्षणाच्या अधिकारातून झाली आहे आणि मला या ऑपरेशनचा अत्यंत अभिमान आहे.” भारताने या मोहिमेचे नाव ऑपरेशन सिंदूर ठेवले असून याविषयी बोलताना ते म्हणाले की, ‘ऑपरेशन सिंदूर’ हे नाव त्यांच्या हृदयाला स्पर्शून गेले. “हे नाव खूप विचारपूर्वक निवडले आहे, ते प्रतीकात्मक आणि प्रेरणादायी आहे. हे खरोखरच नाट्यमय आहे आणि अत्यंत समर्पक आहे.”

भविष्यातील संघर्षविषयी ते म्हणाले, “मला माहिती नाही, पण दहशतवाद्यांना दिलेला संदेश अतिशय स्पष्ट होता. भारत आणि जगातील कोणताही दहशतवादी कृत्ये सहन करणार नाहीत. ही क्रिया जरी मध्य पूर्वेत असो किंवा भारतात, दहशतवादी संघटनांना समजले पाहिजे की अशा कृतींना उत्तर दिले जाईल.”

बुधवारी नवी दिल्लीतील पत्रकार परिषदेत विंग कमांडर व्योमिका सिंग म्हणाल्या, “पाहलगाम येथील दहशतवादी हल्ल्याचे बळी आणि त्यांच्या कुटुंबीयांसाठी न्याय मिळवण्यासाठी भारतीय सशस्त्र दलांनी ‘ऑपरेशन सिंदूर’ सुरू केले. नऊ दहशतवादी तळांना लक्ष्य करून यशस्वीरित्या नष्ट करण्यात आले. ही सर्व ठिकाणे अशा पद्धतीने निवडण्यात आली होती की, नागरी संरचनेचे नुकसान किंवा कोणताही नागरी जीव गमावला जाऊ नये.”

हे ही वाचा..

अजित डोभाल यांनी अनेक देशांना कोणती माहिती दिली ?

जम्मूसह ५ नव्या आयआयटी संस्थांच्या विस्तारास केंद्राची मंजुरी

मुंबईच्या तोंडातला घास गुजरातने हिसकावला!

‘ऑपरेशन सिंदूर’बद्दल पर्यटक काय म्हणतायत ?

परराष्ट्र सचिव विक्रम मिसरी म्हणाले की, पाहलगामवरील हल्ल्याचा उद्देश जम्मू-कश्मीरमध्ये स्थैर्य येण्याच्या प्रक्रियेला बाधा आणणे हा होता. “पाहलगाममधील हल्ला अतिशय क्रूरपणे करण्यात आला. बळींना जवळून डोक्यावर गोळ्या घालून ठार मारण्यात आले, तेही त्यांच्या कुटुंबीयांच्या डोळ्यांसमोर. या प्रकारातून कुटुंबीयांना जाणीवपूर्वक मानसिक आघात देण्यात आला आणि त्या कृत्यात त्यांना संदेश घेऊन जाण्यास सांगण्यात आले. या हल्ल्यामागे काश्मीरमध्ये स्थैर्य प्रस्थापित होण्यास विरोध करण्याचा उद्देश स्पष्ट दिसतो,” असेही ते म्हणाले.

प्रतिक्रिया द्या

कृपया आपली टिप्पणी द्या!
कृपया येथे आपले नाव प्रविष्ट करा

The reCAPTCHA verification period has expired. Please reload the page.

Exit mobile version