लष्कर-ए-तोयबाचा संस्थापक सदस्य असलेला दहशतवादी अमीर हमजा याला लाहोरमध्ये अज्ञात बंदूकधाऱ्यांनी गोळ्या घातल्या आहेत. यानंतर त्याची प्रकृती गंभीर आहे. माहितीनुसार, लाहोरमधील एका न्यूज चॅनलच्या कार्यालयाबाहेर अज्ञात हल्लेखोरांनी हमजावर गोळीबार केला. या हल्ल्यात तो गंभीर जखमी झाला असून त्याला तातडीने रुग्णालयात दाखल करण्यात आले आहे, जिथे त्याची प्रकृती अत्यंत चिंताजनक आहे, अशी माहिती समोर आली आहे.
लाहोर पोलिसांच्या एका अधिकाऱ्याने सांगितले की, हमदर्द चौकात तहरीक-ए-हुरमत-ए-रसूल पाकिस्तानच्या अध्यक्षांच्या वाहनावर अज्ञात व्यक्तींनी केलेल्या गोळीबाराच्या घटनेला पोलिसांनी प्रतिसाद दिला. अधिकाऱ्याने सांगितले की, वाहनातील सर्वजण सुरक्षित आहेत. परिसरात हाय अलर्ट जारी करण्यात आला असून, गुन्हेगारांना ओळखण्यासाठी आणि अटक करण्यासाठी शोधमोहीम सुरू आहे. अमीर हमजाने दहशतवादी हाफिज सईदसोबत लश्कर-ए-तोयबाची सह-स्थापना केली. भारतातील अनेक हल्ल्यांसह, विविध दहशतवादी कारवायांशी त्याचा संबंध जोडला गेला आहे.
अमीर हमजा हा अफगाण मुजाहिदीनचा एक ज्येष्ठ नेते असून आपल्या ज्वलंत भाषणांसाठी आणि विपुल लेखनासाठी तो ओळखला जातो. एकेकाळी तो लष्कर-ए-तोयबाच्या अधिकृत प्रकाशनाचा संपादक होता आणि त्याने अनेक पुस्तके लिहिली असून ज्यात २००२ साली प्रकाशित झालेल्या ‘काफिला दावत और शहादत’ या पुस्तकाचा समावेश आहे.
अमेरिकेच्या ट्रेझरी विभागाने लश्कर-ए-तोयबाला दहशतवादी संघटना म्हणून घोषित केले आहे आणि अमीर हमजाला प्रतिबंधित दहशतवादी म्हणून सूचीबद्ध केले आहे. त्याने लश्कर-ए-तोयबाच्या केंद्रीय समितीवर काम केले असून निधी उभारणी, भरती आणि अटकेतील दहशतवाद्यांच्या सुटकेसाठीच्या वाटाघाटींमध्ये महत्त्वपूर्ण भूमिका बजावली असल्याचे मानले जाते. त्याने लश्करच्या ‘मजल्लाह अल-दावा’ या मासिकाचा संस्थापक संपादक म्हणून काम केले आणि २००२ मध्ये ‘काफिला दावत और शहादत’ नावाचे पुस्तक लिहून अतिरेकी विचारसरणीचा प्रचार केला.
हे ही वाचा:
लेन्सकार्ट कर्मचाऱ्यांना टिकली, टिळा लावण्यास बंदी? संस्थापकांनी दिले स्पष्टीकरण
“मूल हवे असल्यास पत्नीला पाठव” नाशिक कॉर्पोरेट जिहाद प्रकरणातून धक्कादायक खुलासे
इराण तणावात अमेरिकेने महागडा MQ-4C ट्रायटन ड्रोन गमावला
भारतीय रेल्वेचे ब्रिटन, रशिया, चीनपेक्षा जास्त विद्युतीकरण
२०१८ मध्ये, पाकिस्तानी अधिकाऱ्यांनी लष्कर-ए-तोयबाशी संलग्न असलेल्या जमात-उद-दावा आणि फलाह-ए-इन्सानियत फाउंडेशन या धर्मादाय संस्थांवर केलेल्या आर्थिक कारवाईनंतर, हमजाने लष्कर-ए-तोयबापासून स्वतःला दूर केल्याचे वृत्त आहे. त्यानंतर त्याने जम्मू आणि काश्मीरसह इतर ठिकाणी दहशतवादी कारवाया सुरू ठेवण्यासाठी जैश-ए-मनकाफा नावाचा एक फुटीर गट स्थापन केला, असा आरोप आहे. भारतीय प्रसारमाध्यमांनुसार, हा गट पाकिस्तानमध्ये मुक्तपणे कार्यरत असून हमजा लष्कर-ए-तोयबाच्या नेतृत्वाच्या जवळच्या संपर्कात आहे.
