घरदेश दुनियापुराच्या पाण्यातून वाहून आलेले मासे खाल्यांने बिहारमधील अनेक लोक आजारी

पुराच्या पाण्यातून वाहून आलेले मासे खाल्यांने बिहारमधील अनेक लोक आजारी

बिहार सरकारने दिला इशारा

नेपाळमध्ये झालेल्या मुसळधार पावसामुळे निर्माण झालेल्या पुराचा फटका आता बिहारलाही बसत आहे. पुराच्या पाण्यासोबत बिहारमधील काही भागांत मोठ्या आकाराचे आणि अपरिचित प्रकारचे मासे वाहून आल्याचे समोर आले आहे. या माशांचे सेवन केल्यानंतर काही नागरिकांच्या प्रकृतीवर परिणाम झाल्याची माहिती मिळाल्यानंतर प्रशासनाने नागरिकांना सतर्क केले आहे. बिहार सरकारच्या मत्स्य प्रभागाने पुराच्या पाण्यात सापडलेल्या किंवा अपरिचित माशांचे सेवन करू नये, तसेच अशा माशांची खरेदी-विक्रीही टाळावी, असे आवाहन केले आहे.

पूर ओसरताना नद्या, तलाव आणि मत्स्यतलावांमधील मासे पाण्याच्या जोरदार प्रवाहासोबत इतर भागांत वाहून जाण्याची शक्यता असते. मात्र पुराच्या पाण्यात हे मासे सांडपाणी, मृत प्राणी आणि विविध प्रकारच्या दूषित पदार्थांच्या संपर्कात येऊ शकतात. त्यामुळे त्यांच्यामध्ये घातक जीवाणू किंवा विषाणू असण्याची शक्यता नाकारता येत नाही. अशा माशांचे सेवन केल्यास अन्नातून विषबाधा होण्याबरोबरच उलटी, जुलाब, पोटदुखी आणि इतर आरोग्यविषयक समस्या निर्माण होऊ शकतात. त्यामुळे मासा मोठा किंवा आकर्षक दिसत असला तरी तो खाण्यास योग्य आहे, असे समजून त्याचे सेवन करू नये, असे प्रशासनाने स्पष्ट केले आहे.
हे ही वाचा:
४ सप्टेंबरला भारताचा पहिला जिओ-इमेजिंग उपग्रह झेपावणार

विद्यार्थ्यांवरील गुन्हे मागे, पण गुन्हेगारांवर कारवाई होणारच

सोन्या-चांदीच्या दरात पुन्हा तेजी

इराण युद्धामुळे अमेरिकेच्या क्षेपणास्त्र साठ्यात खडखडाट

दरम्यान, बिहारच्या काही भागांत नेपाळमधून वाहून आलेल्या विविध प्रजातींच्या माशांची चर्चा आहे. नागरिकांना अशा अनोळखी माशांपासून दूर राहण्याचा आणि ते आढळल्यास स्थानिक प्रशासन किंवा मत्स्य विभागाला माहिती देण्याचा सल्ला देण्यात आला आहे. पुराच्या काळात पाणी आणि त्यासोबत वाहून येणाऱ्या वस्तूंपासून विशेष काळजी घेण्याचे आवाहनही करण्यात आले आहे. त्यामुळे सध्या पुराच्या पाण्यात सापडलेली मासळी खाण्याचा मोह टाळणे आणि आरोग्याची सुरक्षितता प्राधान्याने जपणे, हेच नागरिकांसाठी योग्य ठरणार आहे.

प्रतिक्रिया द्या

कृपया आपली टिप्पणी द्या!
कृपया येथे आपले नाव प्रविष्ट करा

The reCAPTCHA verification period has expired. Please reload the page.

Exit mobile version